Էսթետիկ Կոսմետոլոգիա

Դիոդային լազերային մազահեռացում

WINGDERM LASERMACH

WINGDERM LASERMACH դիոդային լազերային էպիլացիան, ի տարբերություն այլ էպիլյացիայի սարքերի, իր գերհզորության և երեքը մեկում գլխիկի շնորհիվ ապահովում է՝

100% էֆեկտիվություն,
Միաժամանակ աշխատում է երեք՝ 755, 808 և 1064 նանոմետր խորությամբ,
Վերացնում է ինչպես մուգ, այնպես էլ բաց գույնի մազերը և աղվամազերը,
ՈՒնի HR և SHR համակարգեր, որը ապահովում է անցավ աշխատանքը,
Նախատեսված է բոլոր տիպի մաշկերի, այդ թվում նաև արևայրուքով մաշկի համար,
Բացառում է այրվածքների և պիգմենտացիաների առաջացման հավանականությունը,
Լավացնում է մաշկի որակը,
Թույլատրվում է սկսած 14 տարեկանից:

Մեզոթերապիա

Մեզոթերապիան երիտասարդացման առավել ճանաչված մեթոդներից մեկն է կոսմետիկ վիրաբուժության մեջ։ Այն թույլ է տալիս կանոնավոր կերպով և զգուշորեն ներազդել մաշկի խնդրահարույց տեղամասերի վրա` ամբողջ օրգանիզմը չենթարկելով լրացուցիչ ծանրաբեռնման։ Մեզոթերապիայի մեթոդի էությունը կայանում է նրանում, որ մաշկին անհրաժեշտ նյութերը (վիտամիններ, միներալներ, ամինաթթուներ, նուկլեինային թթուներ) ներմուծվում են մաշկի մեջ (մաշկի խորը շերտեր) հենց այն գոտիներում, որտեղ դա անհրաժեշտ է։ Մեզոթերապիայի անցկացման համար օգտագործվում են նրբագույն ասեղներ, գործող տարրերի խտությունը նվազագույնն է, ներգործության խորությունը 0,5-6 մմ է։

Մաշկի մեզոթերապիան
Մաշկի մեզոթերապիան անցկացվում է տեղային ձևով, անհատապես ընտրված բուժական կոկտեյլների օգնությամբ։ Ընդ որում` ցանկալի արդյունքն ստացվում է սահուն կերպով, առանց ալերգիկ ռեակցիաների և օրգանիզմի վրա լրացուցիչ սթրեսային ազդեցության։

Դեմքի մեզոթերապիան
Դեմքի մեզոթերապիան օգնում է բարձրացնել մաշկային ծածկույթների առաձգականությունը, ինչպես նաև վերացնել հիպերպիգմենտացիայի, ակնեի, բշտիկացանի օջախները։ Մոտեցումը բուժման գործընթացի նկատմամբ պետք է լինի անհատական, ինչը բարելավում է խնդրահարույց գոտիների վիճակը` վերանում են կնճիռները, կանոնավորվում է դեմքի գույնը, մաշկը դառնում է հարթ և ձիգ։
Մեզոթերապիայի անցկացման ժամանակ լուծվում են նաև այնպիսի խնդիրներ, ինչպիսին են կուտերոզը (մաշկի տակ լայնացած արյունատար անոթների առկայությունը), ինչպես նաև մազաթափության ուժեղացումը։

Մազերի մեզոթերապիան
Մազերի մեզոթերապիան տարբեր տեսակի ճաղատացման` անդրոգեն ճաղատացման, օջախային ալոպեցիայի բուժման շատ արդյունավետ մեթոդ է։ Մազերի մեզոթերապիան ապահովում է բուժական պատրաստուկների ուղղակի մատակարարումն անմիջապես մազերի գնդարմատին։ Մազապարկի ուժեղացված սնուցումը հանգեցնում է նրա ամրապնդմանը, տարբեր ծագման մազաթափության դանդաղեցմանը։ Մազերի մեզոթերապիան խթանում է դրանց աճը, նպաստում նոր մազերի ի հայտ գալուն։ Մազերի մեզոթերապիայի կուրսը, թերևս, ռեակտիվ ճաղատացման բուժման ամենագործուն մեթոդն է։

Մաշկի մեզոթերապիան ունի նաև այլ դրական էֆեկտ
Այդ գործողության կատարումը թույլ է տալիս հեռացնել ցելյուլիտը և տեղային ճարպակուտակումներն առանց վիրահատման, հյուծիչ սննդակարգի (դիետայի) և հոգնատանջ վարժությունների։
Մեզոթերապիան անցկացվում է ամբուլատոր ձևով, մեկ կամ մեկուկես ժամվա ընթացքում։ Ձեր առողջության և բարձրակարգ բժիշկ-կոսմետոլոգների նկատմամբ վստահ լինելու համար մենք խորհուրդ ենք տալիս դիմել MIM բժշկական կենտրոն։ Առավելագույն արդյունքի հասնելու համար անհրաժեշտ է անցնել 7, 10 կամ 15 գործողություններից կազմված բուժման կուրս։ Դրա տևողությունը որոշում է մասնագետը` ելնելով յուրաքանչյուր այցելուի անհատական առանձնահատկություններից։ Սակայն բոլոր դեպքերում մաշկի մեզոթերապիան անցկացվում է ոչ հաճախ, քան շաբաթը 1 անգամ։

Ընդհանուր տեղեկատվություն
Մաշկի տարբեր շերտերում հատուկ կոկտեյլի ներարկման տեխնիկան` կախված այն խնդրից, որն ունի այցելուն.

Օգտագործման տեղամասերը – դեմքը, պարանոցը, մարմինը, վերին և ստորին վերջույթները,
գործողության մանրամասները – մաշկի տակ միկրոսկոպիկ չափաբաժիններով, շատ նուրբ ասեղներով ներարկվում են կոկտեյլներ (վիտամինների, նուկլեինային թթուների, ամինաթթուների և միներալների) մակերեսայնորեն (և մաշկի մեջ), 0,5-6 մմ խորությամբ,
անզգայացում – ցավազրկող քսուք կամ առանց անզգայացման,
անցկացման վայրը – ամբուլատոր,
գործողության տևողությունը – մինչև 1 ժամ,
անհարմարավետությունը – աննշան ցավոտություն, հեմատոմներ,
ինչ է պետք սպասել թերապիայից հետո – լիֆտինգային էֆեկտ, բորբոքային երևույթների մարում բշտիկացանի դեպքում, ճաղատության բուժում, բծերի, ձգվածքների, ցելյուլիտի վերացում,
գործողության անցկացման հաճախականությունը – գործողությունը կատարվում է շաբաթը 1 անգամ։
Բուժման կուրսը – կազմում են 5-10 գործողություններ։

Պլազմոլիֆտինգ

Ի՞նչ է պլազմոլիֆտինգը
Պլազմոլիֆտինգը կամ PRP թերապիան (անգլերեն Platelet Plasma therapy) պարզապես երիտաարդացման միջոց չէ, դա առաջընթաց է էսթետիկական բժշկության բնագավառում։ Գործողության հիմքում մարդու` տրոմբոցիտներով նախապես հարստացված սեփական պլազմայի գործածությունն է, երբ տրոմբոցիտներն անհրաժեշտ են ոչ միայն արյան մակարդման համար, այլև արտադրում են բջիջների կիսվելն ու բազմացումը խթանող հատուկ սպիտակուցներ։

Մարդու արյունը ծերացման դեմ պայքարելու հնարավորությունների հսկայական ռեզերվ է։ PRP թերապիայի ասպարեզում կատարված գիտական հետազոտություններն ու մշակումները բացահայտել են կոսմետոլոգիայում և տրիխոլոգիայում պլազմայի օգտագործման արդյունավետությունը։

Կոսմետոլոգիայում պլազմային թերապիան մաշկի վրա ունեցած համալիր ներգործության շնորհիվ համարվում է ինովացիոն և արդյունավետ մեթոդ։ Երիտասարդացումից բացի, տվյալ գործողությունն արագացնում է կոլագենի, էլաստինի և ֆիբրոբլաստների արտադրությունը, գիալուրաթթվի մոլեկուլների ձևավորումը, խթանում է հյուսվածքների վերարտադրումը, դիմադրողականությունը և նյութափոխանակությունը։

Պլազմոլիֆտինգը` երիտասարդացման ոչ վիրահատական մեթոդը, կոսմետոլոգիայում մեծ ճանաչում ունի։ Այն օգտագործում են դեմքի մաշկի, լանջաբացվածքի (դեկոլտե), պարանոցի, ձեռքերի մաշկի երիտասարդացման դեպքում։

Ի՞նչ են տրոմբոցիտները և ինչի՞ համար են հարկավոր դրանք
Տրոմբոցիտները արյան բջիջներ են, որոնք արտադրում են հատուկ սպիտակուցային նյութեր` աճի գործոններ, և համարվում են ԱԵՖ-ի «գանձարան»։ Այցելուի մաշկի մեջ դրանք ներարկելու դեպքում այդ նյութերն ակտիվացնում են միջբջջային նյութափոխանակության (մետաբոլիզմ) մեխանիզմը և այն նյութերի սինթեզը, որոնք «պատասխանատու» են մաշկի թարմության, առաձգականության և խոնավության համար (կոլագեն, էլաստին, հիալուրաթթու)։ Տրոմբոլիտները մաշկի բջիջներին` ֆիբրոբլաստներին, պարտադրում են նորմալ գործել, վերականգնել սեփական երիտասարդ բջիջների պահեստարանը։

Պլազմոլիֆտինգի գործողության հիմնական առավելությունները.

Բնական մեթոդ
արագ երիտասարդացում
ամուր ակնթարթային լիֆտինգ
ոչ մի սահմանափակում
նվազագույն հակացուցումներ

Պլազմոլիֆտինգի հիմնական ցուցումները.

Դիմաշարժային կնճիռներ
դեմքի փափուկ հյուսվածքների իջեցում
առաձգականության նվազում
չորություն, թեփոտում, ջրազրկում, մաշկի հոգնածություն
մաշկի վերականգնում լազերային պիլինգից հետո
մաշկային մի շարք հիվանդությունների բուժում

Պլազմային թերապիայի մեթոդը տեխնիկապես կարելի է բաժանել 3 փուլերի.

Երակից արյուն վերցնել (10-50 մլ)
արյան մաքրում լեյկոցիտներից և էրիտրոցիտներից, պլազմայի ստացում` տրոմբոցիտների թվի 5-8 անգամ մեծացմամբ
խնդրահարույց տեղերում պլազմայի ներարկում բարակ ասեղների օգնությամբ (տեղային անզգայացման ներքո)

Գործողության տևողությունը` 40-50 րոպե։ Վերականգնողական շրջանը (այտուց, կարմրություն, ցան) կարող է կազմել 7-10 օր։ Այդ ժամանակ էլ կարելի է տեսնել առաջին արդյունքները։ Ամբողջ կուրսը 2-4 սեանս է` 7-օրյա ժամանակահատվածում։ Դեմքի և մարմնի մյուս մասերի պլազմոլիֆտինգի արդյունքը պահպանվում է մինչև 2 տարի։

Ինչպիսի՞ն է արդյունքը գործողությունից հետո.
Երիտասարդացման տեսանելի արդյունքը նկատելի է առաջին իսկ գործողությունից հետո։ Տրոմբոցիտներով հարուստ պլազմայի ներարկման որոշակի տեխնիկայի կիրառմամբ մենք հասնում ենք արտահայտված լիֆտինգային արդյունքի` մաշկի ձգման։ Ահա թե ինչու պլազմոլիֆտինգը կոսմետոլոգիայում համարվում է մաշկի երիտասարդացման բնական մեթոդ։ Պլազմոլիֆտինգի և ապարատային մեթոդիկաների համակցվածումը մաշկի երիտասարդացման էլ ավելի արտահայտված արդյունք է տալիս։ Տրոմբոցիտներով հարուստ պլազմայի հակաբորբոքային և վերականգնողական հատկությունները թույլ են տալիս արդյունավետորեն օգտագործել այն` ցանկացած փուլում կորյակային հիվանդությունը բուժելիս։

Պլազմոլիֆտինգի արդյունքները.

Մաշկի հարթության, առաձգականությանև խոնավեցման վերականգնում
միջին և մանր կնճիռների հարթեցում
մաշկի գույնի լավացում
կորյակային ցանի և մաշկաբանական այլ հիվանդությունների բուժում։

Մեթոդն արդյունավետ է նաև մազաթափության բուժման համար։
Տրոմբոցիտներով հարուստ պլազման թույլ է տալիս կանգնեցնել մազապարկերի մահացումը, մազերի բարակումը, և խթանում է նոր մազերի աճին։
Գլխի մաշկի պլազմոլիֆտինգի շնորհիվ «քնած» մազապարկիկները ակտիվանում են, տեղի է ունենում ինտենսիվ արյունամատակարարում, ուժեղացվում են մաշկի պաշտպանողական հատկությունները, պայքար է գնում սնկերի, վարակների, ճարպոտության, չորության, թեփի և մազերի նոսրացման դեմ։ Գլխի պլազմոլիֆտինգի գործողությունը սկսվում է մաշկի վիճակի հետազոտությունից:

Մազերի պլազմոլիֆտինգի ցուցումներն են.

Տարբեր պատճառներով ճաղատացումը
մազերի նոսրացումը
չորությունը և թեփը

Հակացուցումներն են.
Գործողության անմիջական անցկացումը հնարավոր է միայն հակացուցումների գոյության ստուգման մասին բժշկի հետ զրույցից հետո։ Պլազմոլիֆտինգի հակացուցումները կապված են ոչ միայն այցելուի ընդհանուր առողջական վիճակի, այլև նրա արյան վիճակի հետ.

Արյան համակարգային հիվանդություններ
հեպատիտ B և C
ՄԻՎ- վարակվածություն
շաքարային դիաբեթ
հեպարինի ոչ տանելիություն
վարակային հիվանդություններ
իմունային համակարգի հիվանդություններ
բորբոքումներ պլանավորվող ներարկումների տեղում
բարձր ջերմաստիճան
հակակոագուլյանտների ընդունում
լյարդի քրոնիկ հիվանդություններ
հղիություն կամ կրծքով կերակրում

Բիոռևիտալիզացիա

Բիոռևիտալիզացիան երիտասարդություն և գեղեցկություն տանող պարզ ճանապարհն է։
Բիոռևիտալիզացիան բժշկական միջամտություն է, որի էությունը կայանում է հաջորդող բնական ինվոլյուցիայով (հետաճմամբ) մաշկի խոնավացման և նրանում միացնող հենքի ստեղծման համար նրա մակերեսային ու միջին շերտերում ոչ կենդանական ծագման գիալուրաթթվի պատրաստուկների (մասնակիորեն կայունացնող կամ չկայունացնող միաֆազային) ներարկման մեջ։ Պատրաստուկը բացարձակապես համարժեք է ներմաշկային ծագման գիալուրաթթվին։ Ներարկման համար օգտագործում են զանազան մեզոթերապևտիկ տեխնիկական միջոցներ` պապուլային, հետագծող, խողովակային, որոնք ընտրվում են բարձրակարգ բժշկի կողմից` կախված խնդրի լուծումից։

Օգտագործվող պատրաստուկներ.

Aquashine
IAL-System
Dr. Korman
Jalupro

Դժվար է գտնել մի մարդու, որը կհրաժարվեր հայելու մեջ տեսնել իր երիտասարդ և գեղեցիկ արտացոլանքը։
Մարդու նկարագրի մեջ կարևոր դեր է խաղում մաշկի վիճակը։
Երիտասարդ և ձիգ, առողջ և պիրկ, առանց կնճիռների, պիգմենտային բծերի ու թեփի:

Ժամանակակից գիտության նվաճումները թույլ են տալիս պահպանել մաշկի այդ հատկությունները երկար տարիներ։ Մեր կլինիկայի մաշկակոսմետոլոգ-բժիշկները Ձեզ կառաջարկեն մաշկի տարիքային փոփոխությունների ուղղման ամենաարդիական համակարգեր։ Այս պատրաստուկներն ստացել են «Կենսառևիտալիզացիայի ոսկե ստանդարտ» անվանումը ոչ միայն իրենց արդյունավետության, այլ նաև լավ տանելիության և բարձր անվտանգության համար։ Սակայն ներարկման մեթոդների շուկան անշեղորեն ընդլայնվում է, այդ թվում` նաև գիալուրաթթվային կենսառևիտալիզացիայի պատրաստուկների գծով. ներկայումս արդեն տեղին է խոսել ադապտացված բազմաստիճան կենսառևիտալիզացիայի համար գիալուրաթթվի համաշխարհային առաջատար արտադրողներից պատրաստուկների ստացման մասին։ Այդպիսի պատրաստուկներով աշխատելու իրավունք ստանում են միայն մաշկակոսմետոլոգ-բժիշկները կամ ծնոտադիմային մասնագիտացման վիրաբույժները, ովքեր որակավորման բարձրացման շրջանակներում անցել են հատուկ պատրաստություն, մասնակցել դրանց կիրառման յուրահատկությանը նվիրված սեմինարներին։

Ինչպե՞ս է անցնում մաշկի բիոռևիտալիզացիայի գործողությունը
Եթե բառացի թարգմանելու լինենք «բիոռևիտալիզացիա» տերմինը, ապա կստացվի «կենսաաշխուժացում»։ Դա մեթոդ է, որը թույլ է տալիս վերականգնել երիտասարդ և առողջ մաշկին հատուկ տոնուսը, առաձգականությունն ու գույնը, վաղաժամ պաշտպանել այն ազատ ռադիկալների ազդեցությունից։ Մեթոդը ոչ միայն բարելավում է արտաքին տեսքը, այլև վերականգնում է այն ներքին միջավայրը, որը հատուկ է երիտասարդ մաշկին, այդպիսով իրապես դանդաղեցնելով ծերացումը։ Դա գիալուրաթթվի բնական, քիմիապես չփոփոխված ներմաշկային ներարկման մեթոդ է, որն արագորեն վերականգնում է ջրային հաշվեկշիռը և բջիջների համար վերստեղծում կենսագործունեության կատարյալ պայմաններ, ինչի շնորհիվ արտաքին արդյունքը ժամանակի հետ ուժեղանում է հյուսվածքի սեփական հատկությունների վերականգնման հաշվին։ Ստացված արդյունքները բաժանվում են «արագի» և «դանդաղի»։

Ի՞նչն է տեղի ունենում «արագ»
Առաջինը, որ այցելուն տեսնում է գործողությունից անմիջապես հետո, կնճիռների ու ծալքերի հարթումն է, ինչը ձեռք է բերվում գիալուրաթթվի անմիջական ներարկմամբ այն տեղերում, որտեղ դրա պակասն առավել ակնհայտ է։ Այդ արդյունքը ժամանակավոր է, անցնում է 7-14 օրվա ընթացքում և բնավ չի համարվում վերջնական արդյունք, թեև շատ է դուր գալիս այցելուին։ Այնուհետև տեղի է ունենում ահա թե ինչ. դրսից գիալուրաթթվի ներմուծումն օգտագործվում է մաշկի բջիջների կողմից, և դրանք սկսում են արտադրել սեփական գիալուրաթթու, սինթեզել էլաստինի և կոլագենի թելիկներ` վերականգնելով ծերացող մաշկի կառուցվածքը։ Այդպիսի վերականգնման արդյունքում այցելուն տեսնում է, թե ինչպես են մաշկի տոնուսն ու հագեցումն աստիճանաբար բարելավվում, նվազում է կնճիռների քանակությունն ու փոքրանում դրանց խորությունը, մաշկը դառնում է ավելի դիմացկուն արտաքին ազդեցությունների նկատմամբ։ Դա արդեն կայուն արդյունք է, թեև զարգանում է ոչ անմիջապես. չէ՞ որ մեր բջիջները չեն կարող մեկ-երկու օրում փոխել կաշվի կազմությունը։

Երիտասարդացման ծրագիրն իրականացվում է գիալուրաթթվի ներարկման միջոցով։ Այն ստացվում է գենետիկորեն, օժտված է մեծ մոլեկուլային զանգվածով և ալերգիա չի առաջացնում, դրա համար էլ կենսառևիտալիզացիան գիալուրաթթվով անվտանգ է նույնիսկ ալերգետիկների համար։ Կենսառևիտալիզացիայի ժամանակ ցավի զգացողությունները մեղմելու համար պատրաստուկները ներմուծվում են հատուկ նուրբ ասեղներով։

Մաշկի բիոռևիտալիզացիան օգտագործվում է ինքնուրույն կերպով, նաև երիտասարդացման համալիր ծրագրով, և այցելուն կարող է երկարատև կանխատեսելի արդյունքների հույս ունենալ.

Դեմքի ձվաձևության (օվալի) ձգում,
այտոսկրի գծերի ձևավորում,
հիպերֆունկցիոնալ կնճիռների հեռացում,
արտահայտված լիֆտինգային արդյունք խոնավապահպանման փուլի երկարաձգման հաշվին,
մաշկի գույնի լավացում,
մաշկի հիդրատացման մեծացում (կորսված գիալուրաթթվի համալրում),
մաշկի առաձգականության և տուրգորի բարձրացում,
առաջին գործողությունից հետո մաշկի միկրո- և մակրոռելիեֆի փոփոխություն։

Տարիքից կախված` պահանջվում են բուժման 1-2 շրջաններ, որոնք բաղկացած են կենսառևիտալիզացիայի 3-4 գործողություններից` նույնքան թվով շաբաթների ընդմիջումով։ Բուժման շրջանների միջև ժամանակահատվածը 3 ամսից մինչև կես տարի է։

Դեմքի ուրվագծային պլաստիկա

Դեմքի ուրվագծային պլաստիկայի գործողությունը:
Մինչև դեմքի ուրվագծային պլաստիկայի իրականացման գործընթացը սկսկելը պետք է կատարվի բժշկի խորհրդատվություն։ Դուք բժշկի հետ քննարկում եք ներարկման նպատակները, սպասվող արդյունքները, հնարավոր հակացուցումները և կողմնակի ազդեցությունները։ Զննման ժամանակ բժիշկը որոշում է, թե կիրառվող նյութերից հատկապես որ պատրաստուկն է առավել նպատակահարմար Ձեր դեպքի համար: Ընտրությունը պայմանավորված է մաշկի վիճակից, կնճիռների խորությունից, դրանց ձգվածությունից, պատրաստուկի ներգործության ցանկալի շարունակելիությունից և այլն:

Մանր կնճիռների ուղղման համար սովորաբար անզգայացում (անեստեզիա) չի պահանջվում։ Մեծ ծավալով պատրաստուկների՝ գելերի ններարկման դեպքում, ինչպիսիք են՝ քիթ-շրթնային կնճիռների հարթեցումը, շրթունքների ծավալի և ձևի փոփոխումը, դեմքի եզրագծի փոփոխումը, այտերի ձևի և չափի փոփոխումը կատարվում են տեղային անզգայացման ներքո:

Կիրառվող բոլոր նյութերը և դրանց տարատեսակները հիալուրաթթվի կայունացնող հիմքով թափանցիկ պատրաստուկներ են, որոնք կենսադեգրադացվող են, այսինքն` ժամանակի ընթացքում օրգանիզմից ամբողջովին դուրս են մղվում։

Օգտագործվող պատրաստուկներ

Juvederm
Restylane
Revofil
Liquidimplant
Adoderm
Dr. Korman

Ընդհանուր տեղեկատվություն
Դեմքի պլաստիկայի ուրվագծումն արտաքին ուղղման նվազ ինվազիվ մեթոդ է, որը թույլ է տալիս արագ և առանց ցավի հեռացնել դեմքի կնճիռներն ու խորշոմները։ Կիրառման ոլորտները – մակերեսային կնճիռների, խորը կնճիռների, ծալքերի ուղղում։ Դրանք են` քիթ-շրթային ծալքերը, շրթունքների ստորին և վերին հատվածների ուղղաձիգ կնճիռները, միջհոնքային կնճիռները, դեմքի ուրվագծի փոփոխությունը, շրթունքների չափի և ձևի փոփոխումը և այլն։

Գործողության մանրամասները.

Գելը բարակ ասեղի օգնությամբ ներարկվում է ներարկման ենթակա հատված։
Անզգայացում` ուղեկցող կամ ցավազրկող քսուք:
Անցկացման վայրը` ամբուլատոր:
Գործողության տևողությունը` 30-ից մինչև 50 րոպե:
Անհարմարություններ` աննշան ցավոտություն:
Գործողությունից հետո անմիջապես նկատելի է արդյունքը։
Գործողության ռիսկը` հեմատոմներ, այտուց:
Ներարկման արդյունքի տևողությունը` 6 ամսից մինչև 1 տարի, երբեմն` 1,5 տարի:

Նիհարեցում և ցելյուլիտի բուժում

CELLUSHAPE

CELLUSHAPE յուրօրինակ հակացելյուլիտային ծրագիր է: Ծրագրի նպատակն է օգնել մարդկանց ձերբազատվել էսթետիկ անհարմարություն պատճառող ցելյուլիտից, վերացնել կրկնակզակը և նրբացնել հետծննդաբերական և հետվիրահատական զոլերը: Համակարգի 4 ազդակները` ինֆրակարմիր ճառագայթը, RF էներգիան, վակուումային համակարգը և ակտիվ պտտվող գլանակները ինտենսիվ մերսում են ենթամաշկային ճարպաշերտը, մեծացնում մաշկի ճկունությունը, լավացնում արյան մատակարարումը հյուսվածքներին: Արդյունքը կրում է կուտակային բնույթ և առավել արտահայտվում է 4-6 պրոցեդուրայից հետո: Կուրսը հնարավորություն է տալիս վերացնել «նարնջի կեղևի» նմանվող մաշկը և կորեկցիայի ենթարկել մարմնի չափերը, հարթեցնել մաշկի ռելիեֆը, ամրացնել անոթների պատերը և կանխել վարիկոզների առաջացումը: Կուրսի հետ համադրվող միոստիմուլյացիան նպաստում է հասնելու արագ և գերազանց արդյունքների:

Միոստիմուլյացիա

Ժամանակակից կոսմետոլոգիայում միոստիմուլյացիան օգտագործվում է մարմնի մոդելավորման համար` ի հաշիվ մկանների զանգվածի մեծացման և ամրացման: Հոսանքը ստիպում է մկանին ակտիվ կծկվել, միաժամանակ ազդում է նաև անոթների պատերի վրա, լավացնում է արյան ու ավշի շրջանառությունը, նյութափոխանակումն արագանում է` ինչն էլ բերում է տեղային լիպոլիզի: Շատ արդյունավետ է հետծննդյան շրջանում որովայնի մկանների վերականգնամն համար: Մեջքի մկանների միոստիմուլյացիան բարերար և բուժիչ ազդեցություն կարող է ունենալ ինչպես օստեոխոնդրոզի համար, այնպես էլ ներքին օրգանների աշխատանքի համար: Նորագոյացությունների և կիստաների բացակայության դեպքում միոստիմուլյացիան լավացնում է կրծքամկանի կոնտուրը: Կիրառում ենք նաև դեմքի վրա` դեմքի օվալի և կոնտուրի վերականգնման նպատակով:

RF լիֆթինգ և հղկում

Ռադիոալիքային, կամ RF լիֆթինգը և հղկումը, վիրաբուժական միջամտության այլընտրանք համարվող, ոչ ինվազիվ միջամտություն է, որը լուծում է միանգամից երկու խնդիր.ձգում և բարելավում է մաշկի որակը։ Սա հրաշալի լուծում է հղկելու խորը կնճիռները, ակնեից մնացած հետքերը, լայն ծակոտիները, սպիերը, պիգմենտային բծերը, մաշկի անհարթություններն ու սպիտակ բծերը (ստրիաներ)։

Կավիտացիա

Կավիտացիան ճարպի վրա ազդելու միակ կոսմետոլոգիական միջոցն է։ Ցածր հաճախականությամբ ուլտրաձայնային ալիքների ազդեցության տակ ճարպային բջիջների ներսում առաջանում են պղպջակներ, նրանք մեծանում են, հեղուկացնում ճարպը և դուրս մղում բջիջներից՝ վնասելով միայն ճարպային բջիջների մեմբրանները (արտաքին թաղանթը)։ Առաջին հերթին վնասվում են ամենաշատ ճարպով լցված բջիջների մեմբրանները, նրանց մեծ ճնշման պատճառով։ Այսպիսով քայքայված նյութի 90% դուրս է գալիս լիմֆոտիկ համակարգով, ապա լյարդով, իսկ մնացած 10% ներծծվում է արյունատար համակարգ, որտեղ վերածվում է գլյուկոզայի։ Այլ բջիջները և հյուսվածքները կավիտացիայի ազդեցության տակ չեն վնասվում։
Կավիտացիան մասնագիտացված փոփոխում է մարմնի կառուցվածքը, վերացնում է ցելյուլիտը։ Ուլտրաձայնային կավիտացիայի էֆֆեկտը՝ առանց վիրահատական միջամտության, խթանում է լիզիսը (ճարպաբջիջների քայքայումը)։

ՊՐԵՍՍՈԹԵՐԱՊԻԱ

Պրեսսոթերապիան ապարատային մերսում է,որը կատարվում է օդի սեղմման միջոցով:Պրոցեդուրայի ընթացքում ճնշում է գործադրվում մարմնի հատվածների վրա, ինչն օգնում է վերականգնել ավշային համակարգն ու արյան շրջանառությունը: Այն լավագույն մեթոդներից է ազատվելու ավելորդ քաշից, ճարպային կուտակումներից, հոդային խնդիրներից, մաշկի թուլությունից,ինչպես նաև տարբեր տրավմաներից և վիրահատական միջամտություններից հետո ստեղծված խնդիրներից: Պրեսսոթերապիան ազդում է մարմնի լիմֆատիկ համակարգի վրա: Կուտակված հեղուկը և տոքսինները մարմնից հանվում են, և ակտիվանում է օրգանիզմից սննդի և հյուսվածքների մաքրման գործընթացները:

Պրոցեդուրայի առավելությունները՝

•Օրգանիզմից հեռացնում է ավելորդ հեղուկը և տոքսինները,
•Նպաստում է ցելյուլիտի նվազեցմանը
•Նպաստում է օրգանիզմից վնասակար նյութերի դուրս բերմանը,
•Ունի մարմինը հանգստացնող ազդեցություն,
•Նվազեցնում է հետծննդաբերական, հետվիրահատական և հետտրավմատիկ այտուցները,
•Այն իդեալական է նաև նստակյաց, անառողջ կենսակերպ վարող և ավելորդ քաշի խնդիր ունեցող անձանց համար,
• Ազատում է ոտքերի ծանրությունից,
• Բարելավում է արյան շրջանառությունը, ուժեղացնում է թթվածնի մատակարարումը սիրտ-անոթային համակարգին,

Արդյունքը՝

Նման արդյունավետ մեթոդը, որտեղ օգտագործվում է հատուկ սարքավորում, շատ հուսալի մեթոդ է բոլոր ենթամաշկային հյուսվածքների վրա մեխանիկական գործողությունների համար: Այս մեթոդի կիրառման շնորհիվ հնարավոր է տեղահանել կուտակված միջբջջային հեղուկի ավելցուկը, այսինքն ՝ մաքրել հյուսվածքները, կատարել ավշային դրենաժ: Արդյունավետությունն ու դրական արդյունքները կարող են նկատելի լինել մեկ պրեսսոթերապիայի պրեցեդուրայի սեանսից հետո, իսկ ավարտելուց հետո արդյունքը պահպանվում է երկար ժամանակ: Պրեսսոթերապիան կարելի է համատեղել տարբեր կոսմետիկ պրոցեդուրաների հետ: