Դենտալ Իմպլանտոլոգիա
Ժամանակակից ատամնաբուժության մեջ ատամների իմպլանտացիան հանդիսանում է ամենաառաջատար բնագավառը։
Օրթոպեդիա
Ատամների պրոթեզավորումն անհրաժեշտ է այն դեպքերում, երբ պլոմբավորմամբ ատամի վերականգնումն անհնար է, կամ եթե բացակայում եմ մեկ կամ մի քանի ատամ:
Օրթոդոնտիա
Գեղեցիկ ժպիտը կախված է ոչ միայն ատամների առողջությունից, այլ նաև նրանց կծվածքից և օկլյուզիայից:
Ատամնաբուժություն
“ՄԻՄ” ԲԿ–ում արդի ատամնաբուժության մեթոդները թույլ են տալիս բուժել վնասված ատամները` խուսափելով դրանց հեռացումից:
Դիմածնոտային վիրաբուժություն
Օրթոգնատիկ վիրահատության նպատակն է կծվածքի պաթոլոգիաների շտկումը։
Բերանի խոռոչի վիրաբուժություն
«Մոդեռն Իմպլանտ Մեդիսին»-ում կատարվում է բերանի խոռոչի ամբուլատոր վիրաբուժական ցանկացած վիրահատություն:
Էսթետիկ Կոսմետոլոգիա
Մեր կլինիկայի փորձառու մասնագետները, բժիշկ-կոսմետոլոգները իրենց աշխատանքում ղեկավարվում են բացառապես էսթետիկ բժշկության կենտրոնների աշխատանքի միջազգային չափանիշներով, ուղղություններով ու բոլորի կողմից ընդունված չափանիշներով:
Պլաստիկ վիրաբուժություն
Պլաստիկ վիրաբուժությունը թույլ է տալիս լուծել դիմածնոտային շրջանի դեֆորմացիաների հետ կապված խնդիրները:
ՔԿԱ եվ Էնդոսկոպիկ հետազոտություն
ՄԻՄ բժշկական կենտրոնում կատարվում են ՔԿԱ հիվանդությունների ախտորոշում և բուժում:
Կոնա-Ճառագայթային ախտորոշում
Կլինիկայում գործում է վերջին սերնդի նորագույն դիմածնոտային Sirona GALILEOS Comfort համակարգչային տոմոգրաֆը։
Էնդոսկոպիկ վիրաբուժություն
Կլինիկան հագեցած է հայտնի Karl STORZ ընկերության ժամանակակից էնդոսկոպիկ սարքավորումներով:
Սեդացիա
ՄԻՄ բշժկական կենտրոնը երաշխավորում է նվազագույն ցավ բուժական միջամտությունների ընթացքում։Բարի Գալուստ
Բարի Գալուստ
Հայ-գերմանական «Մոդեռն Իմպլանտ Մեդիսին» դիմածնոտային վիրաբուժության բժշկական կենտրոնը հիմնադրվել է 2009 թվականին և մինչև 2012 թ-ը իր գործունեությունն իրականացրել է Երևանի 3-րդ Կլինիկական հիվանդանոցում: Կենտրոնի հիմնադիրներն են` ԵՊԲՀ-ի դոցենտ` Գրիգոր Էմիլի Խաչատրյանը (գիտական ղեկավար) և Ջորջ Խուրին (գիտական խորհրդատու` Համբուրգ, Գերմանիա): Կլինիկան հագեցված է տարածաշրջանում ամենաարդի բժշկական սարքավորումներով։ 2012թ-ի հունիսից կենտրոնը գործում է հետևյալ հասցեով. Հայաստան, Երևան, Ձորափի փողոց 40:
Մեր Թիմը
Մեր Թիմը
Գրիգոր Խաչատրյան
Դիմածնոտային և պլաստիկ վիրաբույժ
Լևոն Խաչատրյան
Դիմածնոտային և պլաստիկ վիրաբույժ
Վարդգես Սահակյան
Ատամնաբույժ-օրթոպեդ
Լիլիաննա Աբրահամյան
Ատամնաբույժ
Աննա Շահինյան
Դիմածնոտային վիրաբույժ
Ալեքսանդրա Կարապետյան
Անեսթեզիոլոգ
Դավիթ Գրիգորյան
Օրթոդոնտ
Հայկ Ղարիբյան
Ատամնաբույժ-օրթոպեդ
Մեր Առավելությունները
Մեր Առավելությունները
Առաջատար մասնագետներ
Առաջնակարգ բժիշկներից կազմված անձնակազմը MIM բժշկական կենտրոնի հպարտությունն է: Նրանցից յուրաքանչյուրը լավագույններից մեկն է իր ոլորտում և տարածաշրջանում: Մեր իմպլանտոլոգները, դիմածնոտային վիրաբույժները, օրթոդոնտները և թերապևտներն ունեն բարձր մասնագիտական որակավորումներ և առաջատար կլինիկաներում երկար տարիների աշխատանքային փորձ: Մեր մասնագետները պարբերաբար վերապատրաստվում են և մասնակցում են դասընթացների Գերմանիայում, Մեծ Բրիտանիայում, Իտալիայում, Իսպանիայում և եվրոպական այլ երկրներում:
Բարձրորակ սարքավորում
Բժշկական կենտրոնի աշխատանքը հիմնվում է լավագույն մեթոդների և վերջին սերնդի դիագնոստիկ, վիրաբուժական և ատամնաբուժական սարքավորումների վրա: Նյութատեխնիկական բազայի մշտապես արդիականացման շնորհիվ կլինիկան հանդիսանում է Երևանի դիմածնոտային, ՔԿԱ և իմպլանտոլոգիայի լավագույն կենտրոններից մեկը: Կլինիկայի հագեցվածությունը և հարմարավետությունը համապատասխանում են Եվրոպայի առաջատար կլինիկաների ստանդարտներին:
Անհատական մոտեցում
MIM բժշկական կենտրոնի անձնակազմը յուրաքանչյուր այցելուի նկատմամբ ցուցաբերում է անհատական մոտեցում` չխնայելով ջանք և ժամանակ բարձրակարգ ծառայություններ մատուցելու համար: Դրանից զատ հարկավոր է չափազանց ուշադիր մոտեցում յուրքանչյուր հիվանդի բուժման ընթացքում օգտագործվող դեղորայքի ընտրության հարցում: Բուժման օպտիմալ մեթոդի ընտրության համար մեր բժիշկների կողմից հաշվի է առնվում հիվանդի մասին յուրաքանչյուր տեղեկություն:
Նորություններ
Նորույթ
Dentsply Sirona ընկերության Astra Tech ատամնային իմպլանտատները ՄԻՄ բժշկական կենտրոնում։
Կարդալ ԱվելինԲլոգ
Essential Guidelines for Medical Tourism Patients
Medical tourism is a growing industry that is becoming popular among adults of all ages. Initially, the concept captures the attention of many - receiving medical treatment and care while also having the chance to explore the enchanting streets of captivating destinations appears truly remarkable. Nonetheless, this delightful experience of accessing cost-effective treatments and immersing oneself in a new culture can swiftly transform into a distressing ordeal if one fails to gather all the essential information and conduct thorough research before finalizing their decision. To assist you, we have compiled a compilation of precautions to observe as a medical tourism patient.
Կարդալ Ավելին
Alternative Implantologic Decisions for Rehabilitation of Patients with Edentulism and Severly Atrophic Maxilla
Կարդալ ԱվելինԿարծիքներ Մեր Մասին
Выражаю огромную благодарность коллективу клиники MIM за высокий профессионализм, за высокое качество работы, за чуткое внимание к пациентам. Особую признательность выражаю своему хирургу Левону Хачатряну. Он четко установил диагноз и выбрал тот метод хирургического лечения, благодаря которому достигли положительный результат. С первой встречи у меня не было сомнения довериться этому профессионалу. Спасибо большое.
И еще хочется поблагодарить врача Смбада за профессионализм, за его чуткое, внимательное отношение к пациентам.
С уважением, Роза
г. Новосибирск
Роза Поскочина
Огромное спасибо великолепным врачам клиники Левону Григорьевичу и Вардгесу Рафиковичу за отличную работу и доброе отношение.Сердечное вам спасибо,мои дорогие врачи.
Марутянц Карина
Գործընկերներ
Գործընկերներ
Գրիգոր Խաչատրյան
Դիմածնոտային և պլաստիկ վիրաբույժ
1974-1979 թթ. – Ավարտել է Երեւանի Պետական Բժշկական Ինստիտուտի Ստոմատոլոգիական ֆակուլտետը:
1979-1980թթ. – Ինտերնատուրա, ք. Երեւան, թիվ 3 Ստոմատոլոգիական պոլիկլինիկա:
1980-1982թթ. – Բժիշկ-ստոմատոլոգ, ք. Կամոյի Կենտրոնական տարածքային հոսպիտալ, գ. Նորատուսի բժշկական ամբուլատորիա:
1982-1986 թթ. – Բաժանմունքի վարիչ, ք. Երեւանի թիվ 4 Մանկական կլինիկական հիվանդանոցի Դիմածնոտային վիրաբուժության բաժանմունք:
1986-1991թթ. – Դիմածնոտային վիրաբույժ, ք. Երեւանի թիվ 3 Մանկական կլինիկական հիվանդանոց:
1991-1993թթ.-Դիմածնոտային վիրաբույժ, ք.Երեւանի թիվ 2 Մանկական կլինիկական հիվանդանոց:
1993-1999թթ. – Բաժանմունքի վարիչ, Ա. Միքայելյանի անվ. վիրաբուժության ինստիտուտի Դիմածնոտային վիրաբուժության բաժանմունք:
1999թ. առ այսօր – ք. Երեւանի թիվ 3 Կլինիկական հիվանդանոցի Դիմածնոտային եւ Պլաստիկ Վիրաբուժության Բաժանմունքի ղեկավար և «Modern Implant Medicine» բժշկական կենտրոնի գիտական ղեկավար:
1984թ. – Մոսկվայի Դեմքի պլաստիկ վիրաբուժության Գիտահետազոտական Կենտրոն:
1986թ.– Բաժանմունքի ղեկավարների որակավորման դասընթացներ, Լենինգրադի Բժիշկների Կատարելագործման Ինստիտուտի Վիրաբուժական Ստոմոտալոգիայի ֆակուլտետ:
1989-1991թթ.– Դիմածնոտային Վիրաբուժության Տարածաշրջանային Համալսարան, Նանտ, Ֆրանսիա:
1996թ. – «Հիվանդ երեխաների հոսպիտալ», Տորոնտո, Կանադա:
1998թ.– Բժշկական պրակտիկա, Համալսարանին կից Սուրբ Լուկայի հիվանդանոցներ Մարսել, Բրյուսսել եւ Համբուրգ քաղաքներում: «Գանգա-դիմածնոտային Վիրաբույժների Եվրոպական Ասոցիացիայի» («EACMFS» ) ակտիվ անդամ:
1996թ. – Շնորհվել է Բժշկական գիտությունների թեկնածուի կոչում: Թեմա՝ Վիրաբուժական միջամտությունների եղանակների ընտրությունը դիմային գանգի անոմալիաների կոմբինացված վիրաբուժական կորրեկցիայի ժամանակ: Ունի 50-ից ավել հրատարակված գիտական աշխատանք: Դիմածնոտային եւ պլաստիկ վիրաբույժ։ Բժշկական գիտությունների թեկնածու, դոցենտ Երեւանի թիվ 3 Կլինիկական Հիվանդանոցի Դիմածնոտային եւ պլաստիկ վիրաբուժության բաժանմունքի վարիչ, Մոդեռն Իմպլանտ Մեդիսին հայ-գերմանական դիմածնոտային եւ պլաստիկ վիրաբուժության բժշկական կենտրոնի հիմնադիր: Դիմածնոտային եւ բերանի խոռոչի վիրաբույժների հայկական ասոցիացիայի հիմնադիր անդամ:
Լևոն Խաչատրյան
Դիմածնոտային և պլաստիկ վիրաբույժ
2000-2002 թթ. սովորել է Պրահայի բժշկական համալսարանում
2002-2005 թթ. սովորել է Երևանի Հայկական Բժշկական ինստիտուտի բուժական գործ ֆակուլտետում
2009թ. ավարտել է Երևանի Հայկական Բժշկական ինստիտուտի բուժական գործ ֆակուլտետը
2009-2012 թթ. անցել է կլինիկական օրդինատուրա դիմածնոտային վիրաբուժություն մասնագիտությամբ
2010 թ. ESTETICA Clinic բժշկական կենտրոն ք. Համբուրգ
2012 թ. ESTETICA Clinic բժշկական կենտրոն ք. Համբուրգ
2008 թ. –ին մասնակցել է Դիմածնոտային վիրաբուժության եվրոպական ասոցիացիայի 19-րդ կոնգրեսին, Բոլոնիա (Իտալիա)
2009 թ.–ին մասնակցել է Հայաստանի Պլաստիկ վերականգնողական եւ էսթետիկ վիաբույժների ասոցիացիայի պլաստիկ վիրաբուժության միջազգային կոնգրեսին, Երևան
2010 թ.–ին մասնակցել է 14-րդ DENTSPLY Friadent World սիմպոզիումին «Focused on your Practice Success» թեմայով, Բարսելոնա
2010 թ.–ին մասնակցել է Դիմածնոտային վիրաբուժության եվրոպական ասոցիացիայի 20-րդ կոնգրեսին, Բրյուգե (Բելգիա)
2011 թ.–ին մասնակցել է AlphaBio TEC Simplantology կենտրոնի կողմից «Իմպլանտների կիրառման հիմնական ասպեկտները կոմպլեքս պրոտեզավորման դեպքերում» թեմայով կազմակերպված կուրսերին:
2012 թ.–ին մասնակցել է 15-րդ DENTSPLY Friadent World սիմպոզիումին «Mastering Tissue Response Successfully» թեմայով, Համբուրգ
2014 թ.–ին մասնակցել է Դիմածնոտային վիրաբուժության եվրոպական ասոցիացիայի 22-րդ կոնգրեսին, Պրահա, Չեխիա
2016 թ.–ին մասնակցել է XXIII EACMFS կոնգրեսին, Լոնդոն
2016 թ.–ին մասնակցել է 52-րդ ռինոպլաստիկայի դասընթացին, 8-րդ սեպտո-ռինոպլաստիկայի հիմունքների դասընթացին, Գրաց, Ավստրիա
2017 թ.-ին մասնակցեց DENTSPLY Implant World Summit Tour 2017
«Մոդեռն Իմպլանտ Մեդիսին» Բժշկական Կենտրոնի դիմածնոտային և պլաստիկ վիրաբույժ
«Մոդեռն Իմպլանտ Մեդիսին» Բժշկական Կենտրոն ՍՊԸ–ի տնօրեն
Դիմածնոտային եւ բերանի խոռոչի վիրաբույժների հայկական ասոցիացիայի անդամ
Դիմածնոտային վիրաբուժության Եվրոպական Ասոցիացիայի գործող անդամ, EACMFS: Դիմածնոտային վիրաբուժության եվրոպական ասոցիացիայի խորհրդական:
Վարդգես Սահակյան
Ատամնաբույժ-օրթոպեդ
1996թթ. Ավարտել է Երևանի Մխիթար Հերացու անվան Պետական Բժշկական Ինստիտուտ ատամնաբուժական ֆակուլտետը
1999թթ. Ավարտել է Երևանի Մխիթար Հերացու անվան Պետական Բժշկական Համալսարանի օրթոպեդիկ ատամնաբուժության ամբիոնի կլինիկական օրդինատուրան
2002թթ. Ավարտել է Երևանի Մխիթար Հերացու անվան Պետական Բժշկական Համալսարանի օրթոպեդիկ ատամնաբուժության ամբիոնի ասպիրանտուրան
1997-2003թթ. 9-րդ ստոմատոլոգիական պոլիկլինիկայի ատամնաբույժ օրթոպեդ
2005թ.-ին ’’CBW- մինիմալ ինվազիվ համակարգ, ԻՑ 8 միկրոն, քաղաք Մոսկվա
2003 – 2014թթ. ULTRA-DENT ատամնաբուժական կենտրոնի ատամնաբույժ–օրթոպեդ
2010թ.–ից մինչ օրս ՛՛Մոդեռն Իմպլանտ Մեդիսին՛՛ բժշկական կենտրոնի ատամնաբույժ–օրթոպեդ
2010թ. ESTETICA Clinic բժշկական կենտրոն ք. Համբուրգ
2012թ. ESTETICA Clinic բժշկական կենտրոն ք. Համբուրգ
8 գիտական աշխատությունների հեղինակ
“Մոդեռն Իմպլանտ Մեդիսին” Բժշկական Կենտրոնի ատամնաբույժ–օրթոպեդ
Լիլիաննա Աբրահամյան
Ատամնաբույժ
2002-2007թթ. Ավարտել է Երևանի Մխիթար Հերացու անվան Պետական Բժշկական Համալսարանի Ստոմատոլոգիական ֆակուլտետը(Բժիշկ-ստոմատոլոգ):
2007-2009թթ. Ավարտել է Երևանի Մխիթար Հերացու անվան Պետական Բժշկական Համալսարանի Ընտանեկան ստոմատոլոգիա ֆակուլտետը(Ընտանեկան ստոմատոլոգ):
2007-2009թթ. Աշխատել է Gental-Dental Clinic-ում որպես բժիշկ ստոմատոլոգ:
2009-2011թթ. Աշխատել է Arpine-Dent-ում որպես բժիշկ ստոմատոլոգ:
2011-2015թթ. Աշխատել է Yuva Dent-ում որպես բժիշկ ստոմատոլոգ:
2013-2015թթ. Աշխատել Donimano-ում որպես բժիշկ ստոմատոլոգ:
2015թ. Աշխատում է “Մոդեռն Իմպլանտ Մեդիսին” Բժշկական Կենտրոնում որպես բժիշկ ստոմատոլոգ:
2012թ. Մասնակցել է “Ճանաչելով շարունակական կրթության զարգացման նվիրվածությունը ավելի լավ ստոմատոլոգիայի համար” սեմինարին:
2013թ. CRM տեխնոլոգիայի օգտագործման համար մասնագետների վերապատրաստման դասընթաց:
2014թ. Մասնակցել է “Ճանաչելով կրթության շարունակական զարգացման համար ունեցած ներդրումը ավելի լավ ստոմատոլոգիայի համար” սեմինարին:
2015թ. Մասնակցել է “Plasmolifting-ը Ատամնաբուժության մեջ” սեմինարին:
2015թ. Միջազգային սեմինար CRM և HYCORP տեխնոլոգիաներ ուրվագծային պլաստիկայի մասին:
2016թ. Մասնակցել է “Նավիգացիան ատամնաբուժական իմպլանտոլոգիայում” սեմինարին:
2016թ. Մասնակցել է “Էնդոդոնտիայի պրակտիկ նրբությունները” սեմինարին:
2016թ.Մասնակցել է բժիշկ Ջուլիան Վեբբերի “Կատարելությունը էնդոդոնտիայում տեսական դասընթացին”:
2017թ. Մասնակցել է “Գեղագիտության և վերականգնման աշխարհը” սեմինարին:
2017թ. Մասնակցել է “Կլինիկական իմպլանտալոգիայի 3D ախտորոշման հիմունքները ատամնաբուժական պրակտիկայում”:
2018թ. Մասնակցել է Միջազգային էնդոդոնտիայի կոնգրեսին:
2018թ. Մասնակցել է “Թվային Ստոմատոլոգիայի կոնգրեսին”:
Աննա Շահինյան
Դիմածնոտային վիրաբույժ
2007թ. Ավարտել է Նովգորոդի Պետական Բժշկական Համալսարանը:
2008թ. Ավարտել է Նովգորոդի Պետական Բժշկական Համալսարանի ինտերնատուրան:
2011թ.– Ավարտել է Երևանի Մխիթար Հերացու անվան Պետական Բժշկական Համալսարանի օրդինատուրան դիմածնոտային վիրաբուժության բաժինը:
2012թ. ESTETICA Clinic բժշկական կենտրոն ք. Համբուրգ:
Մոդեռն Իմպլանտ Մեդիսին Բժշկական Կենտրոնի դիմածնոտային վիրաբույժ:
Ալեքսանդրա Կարապետյան
Անեսթեզիոլոգ
2009թ. Ավարտել է Հայբուսակ ինստիտուտի բուժական գործ ֆակուլտետը:
2011թ. Ավարտել է Ակադեմիկոս Ս. Ավդալբեկյանի անվան Առողջապահության Ազգային Ինստիտուտի անեսթեզիոլոգիա– ռեանիմատոլոգիա կլինիկական օրդինատուրան:
2012թ. “Մոդեռն Իմպլանտ Մեդիսին” Բժշկական Կենտրոնի անեսթեզիոլոգ:
Դավիթ Գրիգորյան
Օրթոդոնտ
2001-2006թթ. ավարտել է Երևանի Մխիթար Հերացու անվան պետական բժշկական համալսարանի Ստոմատոլոգիական ֆակուլտետը:
2015թ. Երևանի Մխիթար Հերացու անվան պետական բժշկական համալսարանի մանկական ստոմատոլոգիայի և օրթոդոնտիայի ամբիոնի աստիճան:
2009-2011թթ. ավարտել է կլինիկական արդինատուրա բժիշկ–օրթոդոնտ մասնագիտությամբ:
2015թ. վերապատրաստում Չեխիայի հանրապետությունում, Լեհաստանի հանրապետությունում:
2016թ. վերապատրաստում Ֆինլանդիայի հանրապետությունում, Չեխիայի հանրապետությունում:
Հայաստանի Օրթոդոնտների ասոցիացիայի անդամ:
Հայկ Ղարիբյան
Ատամնաբույժ-օրթոպեդ
Հայկ Ղարիբյան
Հեռ:(374-91)487535 (բջջ);
Էլ-հասցե: [email protected]
Աշխատանքային փորձ
2023 ապրիլ մինչ այժմ Բժիշկ- օրթոպեդ “Մոդերն Իմպլանտ Մեդիսին”
2014-2023 Բժիշկ-օրթոպեդ “Սոնատո” ատամնաբուժական կլինիկա
2008-2011 Բժիշկ-օրթոպեդ “Եվրոդենտ” ատամնաբուժական կլինիկա
Կրթություն
2008-2011 Ակադեմիկոս Ս.Ավդալբեկյանի անվան Առողջապահության
ազգային ինստիտուտ, կլինիկական օրդինատուրա օրթոպեդիկ
ստոմատոլոգիա
2003 -2008 Երևանի Մխիթար Հերացու անվ. Պետական բժշկական
համալսարան, ստոմատոլոգիայի ֆակուլտետ
1993 – 2003 Երևանի Հ.Օշականի անվ թիվ 172 միջնակարգ դպրոց
Լեզուներ Հայերեն (մայրենի)
Անգլերեն (լավ)
Ռուսերեն (լավ)
Դենտալ Իմպլանտոլոգիա
Ժամանակակից ատամնաբուժության և պրոթեզավորման մեջ ատամների իմպլանտացիան հանդիսանում է ամենաառաջատար, արդիական և պահանջարկ վայելող բնագավառը, որն արդեն քսան տարուց ավել կիրառվում է MIM Բժշկական կենտրոնում։ Կենտրոնի առաջատար ուղղվածությունն է` ծնոտի ալվեոլյար ելունի ատրոֆիայի բարդ դեպքերով վիրահատությունները և դենտալ իմպլանտացիան հետլաթային վիրահատություններում (իմպլանտատի տեղադրում` աճուկային, թիակային, նրբոլոքային լաթեր): Մշակվել են իմպլանտոլոգիական բուժման հատուկ ալգորիթմներ շաքարային դիաբետով և հիպերտոնիկ հիվանդությամբ հիվանդների համար: Լայնորեն կիրառվում են աուտո և ալլոգեն տրանսպլանտատներ` Sandwich, Sinus lift, Transzygomatic, Transtuberal տեխնիկայով, n.alveolaris inferior-ի վերադասավորում, իմպլանտատների տեղադրում բարդ դիմածնոտային պրոթեզների ամրացման նպատակով: Կիրառվում է նաև մեկ փուլով իմպլանտացիայի մեթոդը` միաժամանակյա պրոթեզավորմամբ: Ankylos C/X, Xive և Astra Tech իմպլանտատների օգտագործումը թույլ է տալիս հասնել գերազանց ֆունկցիոնալ էսթետիկ արդյունքների: Ատամների իմպլանտացիան ԲԿ-ում անցկացվում է ինչպես ամբուլատոր, այնպես էլ ստացիոնար պայմաններում, ընդհանուր անզգայացման կամ սեդացիայի միջոցով։
Օրթոպեդիա
Ատամների պրոթեզավորումն անհրաժեշտ է այն դեպքերում, երբ պլոմբավորմամբ ատամի վերականգնումն անհնար է, կամ եթե բացակայում եմ մեկ կամ մի քանի ատամներ: Պրոթեզավորման տեսակն ընտրվում է անհատապես ամեն հիվանդի համար և կախված է ատամի քայքայման աստիճանից, բժշկի խորհրդից և հիվանդի նախընտրություններից: Պրոթեզավորում հնարավոր է կատարել շարժական և անշարժ պրոթեզների կիրառմամբ: Բուժման եղանակի ճիշտ ընտրության համար շատ կարևոր է հիվանդի և բժշկի միջև լիարժեք փոխըմբռնումը:
ՄԻՄ բժշկական կենտրոնն առաջարկում է ատամների պրոթեզավորման ամբողջական շարք` շարժական, անշարժ և միկրոպրոթեզավորում:
Ցիրկոնի երկօքսիդից ատամնաշապիկներն օժտված են բարձր ամրությամբ և չեն առաջացնում ալերգիկ ռեակցիաներ: Կարկասային կառուցվածքները՝շնորհիվ երկօքսիդ ցիրկոնի, ապահովում են թափանցիկություն, որի արդյունքում հնարավոր է ստանալ մաքսիմալ բնական արդյունք:
Մետաղակերամիկական շապիկների տեղադրումը թույլ է տալիս վերականգնել ծամողական ֆունկցիան և ատամների արտաքին տեսքը` դրանց զգալի քայքայման դեպքում: Մետաղակերամիկական շապիկները կազմված են երկու շերտից` ներքին մետաղական և արտաքին կերամիկական: Արտաքին շերտը նման է ատամի էմալին, այդ պատճառով արդյունքը բնականից գրեթե չի տարբերվում:
Միաձույլ կերամիկական ատամնապսակները պատրաստվում են առանց մետաղական կարկասի օգտագործման: Էսթետիկական հատկանիշներից են փայլը, հյուսվածքային կառուվածքը, գույնը, թափանցիկությունը, որոնք լիովին կրկնօրինակում են բնական ատամի հատկությունները: Կերամիկական շապիկները ենթակա են երկարաժամկետ օգտագործման և չեն գունափոխվում արտաքին ազդեցությունների արդյունքում: Թերություն է հանդիսանում շապիկի փխրունությունը, այդ իսկ պատճառով կերամիկական շապիկները հաճախ օգտագործվում են առաջային հատվածի ատամների վերականգնման համար:
Կամուրջների կիրառմամբ պրոթեզավորման մեթոդն օգտագործվում է մի քանի հարակից ատամների բացակայության դեպքում: Կամրջաձև պրոթեզը իրենից ներկայացնում է մի քանի իրար միացված շապիկներ, իսկ կամրջի հենարան են հանդիսանում կամ հիվանդի սեփական ատամները կամ ատամնային իմպլանտատները:
Միկրոպրոթեզավորումն իրենից ներկայացնում է վինիրների և լյումինիրների տեղադրում: Վինիրների հաստությունը չի գերազանցում 0,3 մմ և դրանք տեղադրվում են ատամի էմալի աննշան տաշվածքի պայմաններում, այդ իսկ պատճառով ատամի բնական տեսքի և չափսի փոփոխություն չի նկատվում: Ամրացումը կատարվում է ատամի արտաքին մակերեսի վրա: Վինիրների պատրաստման համար օգտագործվող նյութերը կրկնում են ատամի էմալի տեսքը և հատկությունները: Վինիրները նախատեսված են ատամի արտաքին թերությունների վերացման համար և նրանք ծառայում են հետևյալ նպատակներին`
- ատամիարտաքին մակերեսի ճաքերի և տարիքային մաշվածության վերացմանը,
- ատամիննախընտրելի գույն և ձև տալուն,
- արդենիսկ տեղադրված ատամնալիցքերի գունաբացմանը,
- ֆլյուորոզիև էմալի հիպոպլազիայի ծածկմանը:
Շարժական պրոթեզավորում
Հիվանդի ատամների ամբողջական կամ մասնակի կորստի դեպքում, երբ ատամների իմպլանտացիան անհնարին է, շարժական պրոթեզավորումը հանդիսանում է օպտիմալ լուծում: Շարժական պրոթեզն իրենից ներկայացնում է բերանի խոռոչում տեղադրվող կոնստրուկցիա՝ կազմված արհեստական լնդից, ատամներից և հենային մասերից: Անհրաժեշտության դեպքում շարժական պրոթեզը հեշտությամբ հեռացվում է բերանի խոռոչից:
Օրթոդոնտիա
Գեղեցիկ ժպիտը կախված է ոչ միայն ատամների առողջությունից, այլ նաև նրանց փոխհարաբերությունից` կծվածքից և օկլյուզիայից: Երեխաների և մեծերի կծվածքի խնդիրների հիմնական պատճառներից է ժառանգականությունը, ներարգանդային զարգացման արատները, հանքային նյութերի պակասը, վատ սովորությունները: Կծվածքի խնդիրներ առաջանում են նաև ատամների հեռացումից հետո ատամնաշարի ուշ վերականգման արդյունքում: Ատամների թեքվածության կամ սխալ կծվածքի պայմաններում ատամների միջև հավաքվում է ատամնափառ, առաջանում են ատամնաքարեր, որը հանգեցնում է բորբոքային պրոցեսների (պարադոնտիտի) առաջացմանը: Խախտված օկլյուզիայի դեպքում ճնշումը ատամնաշարի վրա բաշխվում է անհամաչափ, ինչի արդյունքում ավելանում է ատամների մաշվածությունը և արտաքին մակերեսի վնասվածքները:Սխալ կծվածքը խախտում է քունքստործնոտային հոդի դիրքը և դժվարացնում է ծնոտի մկանների թուլացումը, ինչը իր հերթին հանգեցնում է հաճախակի գլխացավերի: ՄԻՄ բժշկական կենտրոնի առաջնակարգ բժիշկները կօգնեն Ձեզ հաղթահարել սխալ կծվածքի արդյունքում առաջացած էսթետիկական և ֆիզիոլոգիական խնդիրները: Կծվածքի խնդիրների մասին եզրակացությունը տրվում է բժիշկ օրթոդոնտի կողմից: Խնդրի ինքնուրույնախտորոշումը հնարավոր է մի քանի հատկանիշների առկայության արդյունքում`
- ատամնաշարերիմիջև ճեղքի առկայությունը` դրանք փակ լինելու պայմաններում,
- երբ չեն համընկնում վերին և ստորին ծնոտների կտրիչ ատամների ուղղահայաց գծերը,
- կծվածքի այլ ակնհայտ շեղումները:
Հիմնվելով շտկման ենթակա խնդիրների վրա, բժիշկն ընտրում է բուժման մեթոդը: Պատկերի ամբողջականության համար կատարվում են ծնոտի գիպսային մոդելավորում, լուսանկարում և ծնոտի պանորամիկ ռենտգենային հետազոտություն, որը թույլ է տալիս գնահատել ատամների արմատները: Որոշդեպքերում, երբ առկա են ծնոտի զգալի անհամաչափություններ կամ խորը դիստալ կծվածք, կատարվում է օրթոգնատիկ վիրահատություն: MIM բժշկական կենտրոնում կիրառվում են ORMCO, DENTAURUM և AMERICAN ORTHODONTICS ընկերությունների արտադրանքները։
Ատամնաբուժություն
“ՄԻՄ” ԲԿ–ում արդի ատամնաբուժության մեթոդները թույլ են տալիս բուժել վնասված ատամները` խուսափելով դրանց հեռացումից։ Դեպքերի մեծամասնությունում հիվանդները դիմում են կարիեսի զարգացման արդեն իսկ ծանր փուլում կամ սուր ցավերի առկայության դեպքում։ Այդ իսկ պատճառով ատամների բուժման գործընթացը՝ հատկապես արմատային միջամտությամբ, կատարվում է ամենարդյունավետ ցավազրկողների օգտագործմամբ։ Շնորհիվ պլոմբավորման համար նախատեսված նյութերի բազմազանության՝ հնարավոր է դառնում ատամի բարձրորակ բուժումը, սնկզբնական տեսքի և հիմնական ֆունկցիաների վերականգնմամբ։ Այսպիսով, թերապեվտիկ բուժումը իր մեջ ներառում է ատամի վերականգնումը այն փուլում, երբ իմպլանտատների, շապիկների և կամուրջների կիրառումը չի պահանջվում։ Բերանի խոռոչի մասնագիտացված հիգիենան հանդիսանում է ատամնաբուժական միջամտության, ինչպես նաև ատամների և լնդերի խնամքի անբաժան մաս։ Ատամնաբույժները խորհուրդ են տալիս բերանի խոռոչի հիգիենային ուղղված միջոցառումները անցկացնել նվազագույնը տարեկան երկու անգամ։ Առօրյա անբավարար հիգիենան, սուրճը, թեյը և ծխախոտը հանգեցնում են ատամնքարի և ատամնափառի առաջացմանը։ “ՄԻՄ” ԲԿ–ի ատամնաբույժները իրականացնում են եվրոպական մեթոդիկաներին համապատասխանող բերանի խոռոչի մասնագիտացված հիգիենա։ Ձյունաճերմակ ժպիտը պարգևում է մարդուն հմայչություն և բարելավում է կյանքի որակը։ Ի սկզբանե ատամները չունեն սպիտակ գույն. եթե ատամը առողջ է, ապա դեպքերի մեծամասնությամբ, կունենա դեղնավուն կամ մոխրագույն երանգ։ Ներկայումս, որպես ատամների սպիտակեցման հիմնական մեթոդ, կարելի է նշել քիմիական սպիտակեցումը։
Դիմածնոտային վիրաբուժություն
Օրթոգնատիկ վիրաբուժությունը (ծնոտների վիրաբուժություն), հանդիսանում է դիմածնոտային և պլաստիկ վիրաբուժության ամենակարևոր մասերից մեկը: Կծվածքի անոմալիաներ են համարվում ատամնաշարի աղեղի ձևի և ատամների դասավորության խախտումները, որոնց ժամանակ բացակայում են ճիշտ կծվածքի մեկ կամ մի քանի հատկանիշներ: Կծվածքի անոմալիաները հանգեցնում են էսթետիկական, հոգեբանական և առողջական խնդիրների: Սխալ կծվածքի արդյունքում խախտվում են ծամողական և կլման ֆունկցիաները, զարգանում են ատամների հիվանդությունները և ավելանում է աղեստամոքսային տրակտի հիվանդությունների զարգացման հավանականությունը: Հաճախակի են հանդիպում քունք-ստործնոտային հոդի խախտումներ, որոնք ուղեկցվում են ցավերով, բերանի բացման սահմանափակմամբ, հոդում «կտկտոցի» առկայությամբ: Կծվածքի անոմալիաների շտկումը կատարվում է օրթոգնատիկ վիրահատության միջոցով և կոնսերվատիվ օրթոդոնտիայի մեթոդի համակցմամբ կամ զուգորդմամբ: Օրթոգնատիկ վիրահատության նպատակն է կծվածքի պաթոլոգիաների շտկումը, ատամնաշարի ճիշտ օկլյուզիայի վերականգնումը, ֆունկցիոնալ շեղումների վերացումը և դեմքի էսթետիկական տեսքի լավացումը: Օրթոգնատիկ վիրաբուժության միջոցով կարելի է շտկել դեմքի կմախքի բնածին անոմալիաները, զարգացման խախտումները,վերին և ստորին ծնոտի հետտրավմատիկ դեֆորմացիաները, ինչպես նաև դիմային կմախքի հետվիրահատական թերությունները: Օրթոգնատիկ վիրաբուժության գերակա նպատակներից մեկը դեմքի բնական էսթետիկայի վերարտադրությունն է: Արտաքին փոփոխությունները դրական են ազդում մարդու հոգեբանական վիճակի, ինքնագնահատականի, ինքնազգացողության և կյանքի որակի վրա, ինչպես նաև վերացվում են բոլոր ֆունկցիոնալ շեղումները:
Բերանի խոռոչի վիրաբուժություն
“Մոդեռն Իմպլանտ Մեդիսին” բժշկական կենտրոնում կատարվում է բերանի խոռոչի ամբուլատոր վիրաբուժական ցանկացած վիրահատություն, ինչպես տեղային, այնպես էլ ընդհանուր անզգայացման պայմաններում (ախտորոշման նպատակով վիրահատություններ, ռետենցված ատամների հեռացում, ցիստէկտոմիա` օստեոպլաստիկ նյութերի կիրառմամբ և PRF (տրոմբոցիտներով հարստացված ֆիբրին)): PRF-ը հիվանդի արյան տրոմբոցիտար զանգվածից ստացված աուտոմատրիկս է, որը պարզ միջամտությամբ վերածվում է Ֆիբրինային մեմբրանի և չի կորցնում ոսկրի և փափուկ հյուսվածքների աճի խթանման պոտենցիալը:
Պլաստիկ վիրաբուժություն
Դիմածնոտային և պլաստիկ վիրաբուժություն
Պլաստիկ վիրաբուժությունը հանդիսանում է տարիքային փոփոխություների, դիմածնոտային շրջանի բնածին դեֆորմացիաների և վնասվածքների առկայության դեպքում առավել նպատակահարմար լուծում։Քթի պլաստիկ վիրաբուժություն
Քթի պլաստիկ վիրաբուժությունը (Rhinoplasty) հանդիսանում է դեմքի պլաստիկ վիրաբուժության ամենատարածված և ամենադժվար բնագավառներից մեկը: Վիրահատական միջամտությունը թույլ է տալիս բարելավել քթի էսթետիկ տեսքը և լուծել բժշկական բնույթի մի շարք խնդիրներ, որոնք կարող են բացասական ազդեցություն ունենալ մարդու ֆիզիկական և էմոցիոնալ վիճակի վրա: Ժամանակակից աշխարհում քթի պլաստիկ վիրաբուժության մեծ մասն ուղղված է էսթետիկ բնույթի խնդիրների հաղթահարմանը: Քթի կառուցվածքի անհատական յուրահատկությունները համարվում են ամենատարածված խնդիրներից մեկը: Վիրահատությունը կարող է նաև կատարվել բժշկական ցուցումներով: Տարածված խնդիրների շարքում է նաև քթի միջնապատի դեֆորմացիայի արդյունքում շնչառության դժվարացումը: Անկախ խնդրի առաջացման պատճառներից՝ հետևանքները կարող են հանգեցնել ընդհանուր ինքնազգացողության վատթարացման և հանդիսանալ խրոնիկ հիվանդությունների զարգացման պատճառ: Քթի միջնապատի բնածին դեֆորմացիան ազդում է ոսկրային հյուսվածքների ձևավորման վրա, ինչի հետևանքով առաջանում է քթի դեֆորմացիա: Վիրահատության բարեհաջող արդյունքը կախված է ոչ միայն վիրաբույժի բարձր մասնագիտական որակներից, այլ նաև հիվանդի համբերատարությունից: Քթի պլաստիկ վիրաբուժությունը քթի ցանկալի ձևի և բնական ֆունկցիայի վերականգմանը հասնելու արվեստ է:
Կոպերի պլաստիկա
Վերին և ստորին կոպերի մաշկը և ճարպային շերտը առաջինն են ենթարկվում տարիքային փոփոխությունների: Կոպերի տարիքային և պաթոլոգիկ փոփոխությունները կարելի է շտկել էսթետիկ վիրաբուժության միջոցով: Կոպերի պլաստիկան թույլ է տալիս հեռացնել մաշկի և ճարպային հյուսվածքի ավելցուկը, պարգևել հայացքին արտահայտչություն: Վերջին տարիներին պահանջված են դարձել վիրահատությունները, որոնց նպատակն է ոչ միայն տարիքային փոփոխությունների շտկումը, այլ նաև կոպերի ծալքերի վերադիրքավորման արդյունքում աչքերի շրջանի էսթետիկ տեսքի բարելավումը: Վիրահատության արդյունքում հայացքը դառնում է ավելի արտահայտիչ, իսկ մարդը՝ ինքնավստահ, երիտասարդացած, գեղեցիկ և երջանիկ: Վիրահատությունը անցկացվում է ինչպես ստացիոնար, այնպես էլ ամբուլատոր պայմաններում:
Կզակի պլաստիկա
Կզակի ձևը և դիրքը ազդում է մարդու դեմքի ընդհանուր ընկալման վրա: Կզակի պլաստիկան ուղղված է կզակային թմբի ձևի բարելավմանը, չափերի փոփոխմանը և բնածին թերությունների շտկմանը: Մի շարք հիվանդների մոտ նկատվում է կզակի թմբի արտահայտված դեֆորմացիա, որն ուղեկցվում է կզակային հատվածի ասիմետրիայով: Կզակի պլաստիկան կարող է նաև իրականացվել ակնհայտ դեֆորմացիաների բացակայության դեպքում, ըստ հիվանդի ցանկության: Վիրահատության ընթացքում վիրաբույժը վերականգնում է կզակի բնական ձևը, հաշվի առնելով դիմային կմախքի անհատական առանձնահատկությունները: Վիրահատության ընթացքում վիրաբույժը վերականգնում է կզակի բնական ձևը` հաշվի առնելով դիմային կմախքի անհատական առանձնահատկությունները։ Վիրահատության հիմնական նպատակն է ոչ միայն թերությունների շտկումը, այլ նաև դիմային կմախքի առանձին հատվածների միջև ներդաշնակության վերականգնումը:
Համակցված վիրահատություններ
Կզակի և քթի պլաստիկ վիրահատություն
Որոշ դեպքերում մեկ վիրահատության արդյունքում անհնարին է ամբողջությամբ ապահովել ցանկալի գեղագիտական արդյունք։ Դեմքի բազմակի թերություններից միայն մեկի վերացումը կարող է հանգեցնել մնացած թերությունների արտահայտչության ավելացմանը։ Այդ դեպքում մեր կենտրոնի մասնագետներն իրականացնում են համակցված վիրահատություններ։ Առավել հաճախ կզակի և քթի պլաստիկ վիրահատությունը միաժամանակ է իրականացվում, որը թույլ է տալիս վերացնել դեմքի միջին և ստորին հատվածների դեֆորմացիան և վերականգնել դեմքի ներդաշնակությունը։
Ականջների պլաստիկա
Ականջի պլաստիկ վիրահատությունը ուղղված է ականջի ձևի, չափի և դիրքի շտկմանը, ինչպես նաև բնածին և ձեռքբերովի արատների վերացմանը:Ականջի պլաստիկ վիրահատության անցկացման համար տարիքային սահմանափակումներ չկան: Վիրահատության հիմնական ցուցումը հիվանդի ցանկությունն է արտաքին տեսքի շտկման և բարելավման համար: Ցուցումների տեսանկյունից տարբերվում են էսթետիկ և ռեկոնստրուկտիվ վիրահատություններ: Էսթետիկ վիրահատությունները անցկացվում են կոսմետիկ թերությունների շտկման նպատակով, մինչդեռ ականջի ռեկոնստրուկտիվ վիրահատությունները՝ ականջախեցու լրիվ կամ մասնակի վերականգման նպատակով: Ականջի պլաստիկ վիրահատությունն անցկացվում է ինչպես ամբուլատոր, այնպես էլ ստացիոնար պայմաններում:
Կոնտուրային պլաստիկաԿոնտուրային պլաստիկան թույլ է տալիս վերականգնել դեմքի կմախքի հետվնասվածքային թերությունները, ինչպես նաև շտկել դիմագծերը ալոպլաստիկ նյութերի կիրառմամբ։ Այտոսկրի իմպլանտատը` (Medpor Surgical Implant), թույլ է տալիս ունենալ ավելի բարձր և արտահայտված այտոսկրեր, ինչպես նաև առավել սիմետրիկ դեմքի պարամետրեր: Այտոսկրերի մեծացումը բարձրացնում է այտերը` բարելավելով դեմքի ստորին երրորդականի շրջագիծը, հատկապես տարիքային փոփոխությունների դեպքում: Որպես կանոն, այտոսկրի շրջանի վերականգնումը իրականացվում է բնածին և հետտրավմատիկ դեֆորմացիաների շտկման համար:
ՔԿԱ եվ Էնդոսկոպիկ հետազոտություն
ՄԻՄ բժշկական կենտրոնում կատարվում են ՔԿԱ (քիթ-կոկորդ-ականջ) հիվանդությունների ախտորոշում և բուժում, ինչպես ամբուլատոր, այնպես էլ ստացիոնար պայմաններում։ Ամբուլատոր ընդունելության համար նախատեսված հետազոտման սենյակը հագեցված է արդի բժշկական սարքավորումներով։ ՔԿԱ հետազոտման սենյակի հիմքն է հանդիսանում ՔԿԱ համասարքը, որն իր մեջ ներառում է ախտորոշման բոլոր առաջատար ուղիները։
ՔԿԱ համասարքը համալրված է էնդոսկոպների համար նախատեսված սառը լույսի աղբյուրներով, դեղորայքների համար նախատեսված հեղուկացիրներով, դեզինֆեկցող տարրաներով, բարձր արդյունավետության վակումային համակարգով։
ՔԿԱ օրգանների էնդոսկոպիկ հետազոտությունները անց են կացվում KARL STORZ վիդեոէնդոսկոպների օգնությամբ, անհրաժեշտության դեպքում կատարվում է էնդոսկոպիկ նմուշառում (բիոպսիա)։ Բոլոր վիդեոէնդոսկոպիկ հետազոտությունները և մանիպուլյացիաները ձայնագրվում են սկավառակների վրա և պահպանվում։
Հիվանդների աուդիոլոգ սարքի հետազոտությունները անց են կացվում Տիմպանոմետր սարքի օգնությամբ, որով իրականցվում են տոնալ-շեմային աուդիոմետրիա։ Բոլոր աուդիոլոգիական հետազոտություններն անցկացվում են հատուկ ձայնամեկուսիչ աուդիոլոգիական խցիկում։
ՔԿԱ վիրաբուժական ուլտրաձայնային ապարատ “ЛОРА-ДОН”-ը նախատեսված է ՔԿԱ օրգանների ախտաբանորեն փոփոխված հյուսվածքների քայքայման համար (խրոնիկ ռինիտներ, խրոնիկ տոնզիլիտներ), ցածր ինտենսիվության կարմիր և ինֆրակարմիր սպեկտրների լազերային ճառագայթների ներազդման համար կիրառվում է խրոնիկ ռինիտի, միջին օտիտի, ականջում աղմուկի և խլության համալիր բուժման համար։
Առաջինը Հայաստանում` ՄԻՄ բժշկական կենտրոնում, անց է կացվում ՎԻԴԵՈՍՏՐՈԲՈՍԿՈՊԻԱ` ձայնային ապարատի, բացարձակ անփոխարինելի հետազոտություն։ Այն թույլ է տալիս հայտնաբերել կոկորդի ոչ միայն օրգանական, այլ նաև ֆունկցիոնալ ախտահարումները։ Ձայնի խանգարումների ֆիզիոթերապևտիկ վերականգնումը կատարվում է խոսակցական ապարատի մկանների միոստիմուլյացիա VocaStim բուժական համալիրի միջոցով։ Մեթոդի հիմքն է հանդիսանում կոկորդի մկանների ակամա կրճատումների զուգակցումը Էլեկտրոստիմուլյացիայի հետ։
Կոնա-Ճառագայթային ախտորոշում
GALILEOS Comfort
Կլինիկայում գործում է վերջին սերնդի նորագույն դիմածնոտային Sirona GALILEOS Comfort կոնա-ճառագայթային տոմոգրաֆ, որը ընդամենը 14 վայրկյան սկանավորման ընթացքում ֆիքսում է 500 տարբեր ռենտգեն պատկերներ: Կոնաձև իմպուլսային ճառագայթի շնորհիվ էքսպոնացման տևողությունը ընդամենը 3-ից 6 վայրկյան է և ճառագայթման չափը հասցված է նվազագույնի, ինչը սոմատիկ տոմոգրաֆից զգալիորեն փոքր է:
Էնդոսկոպիկ վիրաբուժություն
Կլինիկան հագեցած է հայտնի Karl STORZ ընկերության ժամանակակից էնդոսկոպիկ սարքավորումով: Վիրաբուժական ստոմատոլոգիան և դիմածնոտային վիրաբուժութունն այն ոլորտներն են, որտեղ էնդոսկոպիան նվաճում է նոր դիրքեր և ավելի մեծ դեր է կատարում: Karl STORZ ընկերության գործիքներն արդեն այսօր թույլ են տալիս կատարել, նվազագույն վիրաբուժական միջամտություններով, էնդոսկոպիկ վիրահատությունների մի ամբողջ շարք: Oրինակ`
- թքածորանների հիվանդությունների էնդոսկոպիկ բուժում,
- քունքստործնոտային հոդի վիրահատություն, արթրոսկոպիա,
- կոմբինացված էնդոսկոպիկ դիմածնոտային վիրահատություններ,
- հարքթային ծոցերի էնդոսկոպիկ վիրահատություն:
Քունքստործնոտային հոդի պաթոլոգիաները հատուկ տեղ են գրավում դիմածնոտային հիվանդությունների շարքում: Չնայած լայն տարածվածությանը` քունքստործնոտային հոդի հիվանդությունները դասվում են մարդու ամենադժվար ախտորոշվող և քիչ ուսումնասիրված պաթոլոգիաների շարքին: Քունքստործնոտային հոդի արթրոսկոպիան թույլ է տալիս միաժամանակ համատեղել վերջինիս ախտորոշումն ու բուժումը և, հաշվի առնելով ախտորոշման ընթացքում հայտնաբերված յուրահատկությունները, ընտրել բուժման օպտիմալ տեսակը: Հոդի արթրոսկոպիայի միջոցով ճշգրտորեն որոշվում է պաթոլոգիայի տեսակը, կատարվում է բիոպսիա և այլ ներհոդային միջամտություններ: Այսպիսով MIM բժշկական կենտրոնում Իսպանիայի Սան-Կարլոս հիվանդանոցի մասնագետների հետ համատեղ մշակված արթրոսկոպիայի մեթոդը նոր խոսք է հանդիսանում քունքստործնոտային հոդի հիվանդությունների բուժման ոլորտում:
Էնդոսկոպիկ հայմորոտոմիա
Շնորհիվ արդի էնդոսկոպիկ վիրաբուժության՝ էնդոսկոպիկ հայմորոտոմիան կիրառվում է բոլոր տեսակի հայմորիտների բուժման նպատակով: Ներկայումս MIM բժշկական կենտրոնում առկա են հայմորյան խոռոչների սանացիայի համար կիրառվող բոլոր մեթոդները: Էնդոսկոպիկ հայմորոտոմիայի առավելություններից են՝ նվազագույն տրավմատիզմը և արագ վերականգնումը:
Սեդացիա
MIM բժշկական կենտրոնը երաշխավորում է նվազագույն ցավի զգացողություն բուժական միջամտությունների ընթացքում: Սակայն շատերը մինչ օրս հուզմունք և վախ են ապրում բժշկի դիմելուց: Վախի բարձր զգացողություն ունեցող հիվանդների համար կենտրոնում կիրառվում է ներերակային անզգայացում (սեդացիա): Անզայացումը բացարձակ անվտանգ է և իրականացվում է անեսթեզիոլոգի վերահսկողության տակ: Քանի դեռ դուք հանգստանում եք, բժիշկներն աշխատում են: Կիրառվող դեղորայքի ընտրությունը կախված է հիվանդի ֆիզիոլոգիական բնույթից և բուժման տեսակից: Սեդացիան անփոխարինելի է՝
- ցածր ցավային շեմի կամ տեղային անզգայացման հանդեպ հանդուրժողականութան,
- բժշկական միջամտության երկարատևության (մինչև 3 ժամ) դեպքում:
Ոչնչից մի՛վախեցեք, պարզապես վստահեք մեր մասնագետներին: