Հայ-գերմանական «Մոդեռն Իմպլանտ Մեդիսին» դիմածնոտային վիրաբուժության բժշկական կենտրոնը հիմնադրվել է 2009 թվականին:Կենտրոնի հիմնական ուղղվածությունը դիմածնոտային և պլաստիկ վիրաբուժությունն է, բերանի խոռոչի, ծնոտի ֆունկցիոնալ և վերականգնողական վիրահատությունները, րինոպլաստիկան, դենտալ իմպլանտոլոգիան, ինչպես նաև դիմածնոտային շրջանի և պարանոցի նորագոյացությունների հեռացումը:
Առաջնակարգ բժիշկներից կազմված անձնակազմը MIM բժշկական կենտրոնի հպարտությունն է: Նրանցից յուրաքանչյուրը լավագույններից մեկն է իր ոլորտում և տարածաշրջանում: Մեր մասնագետները պարբերաբար վերապատրաստվում են Գերմանիայում, Մեծ Բրիտանիայում, Իտալիայում, Իսպանիայում և եվրոպական այլ երկրներում:
Վիրահատություններից հետո հիվանդները արթնանում են հարմարավետ մեկսենյականոց հիվանդասենյակներում և 24 ժամ շարունակ վերահսկվում են պրոֆեսիոնալ անձնակազմի կողմից։ Հիվանդների հարմարավետության համար հիվանդասենյակներն ունեն հեռուստացույց և Wi-Fi, առանձին սանհանգույցներ, ապահովված են հիգիենայի ամենաանհրաժեշտ միջոցներով։
MIM բժշկական կենտրոնի անձնակազմը յուրաքանչյուր այցելուի նկատմամբ ցուցաբերում է անհատական մոտեցում` չխնայելով ջանք և ժամանակ բարձրակարգ ծառայություններ մատուցելու համար:Բուժման օպտիմալ մեթոդի ընտրության համար մեր բժիշկների կողմից հաշվի է առնվում հիվանդի մասին յուրաքանչյուր տեղեկություն:
Բժշկական կենտրոնի աշխատանքը հիմնվում է լավագույն մեթոդների և վերջին սերնդի դիագնոստիկ, վիրաբուժական և ատամնաբուժական սարքավորումների վրա: Նյութատեխնիկական բազայի մշտապես արդիականացման շնորհիվ կլինիկան հանդիսանում է Երևանի դիմածնոտային, ՔԿԱ և իմպլանտոլոգիայի լավագույն կենտրոններից մեկը: Կլինիկայի հագեցվածությունը և հարմարավետությունը համապատասխանում են Եվրոպայի առաջատար կլինիկաների ստանդարտներին:
Մեր մասնագետները տիրապետում են անգլերեն և ռուսերեն լեզուների։
Հայաստանում նույնիսկ ամենաթանկ վիրահատությունների արժեքը կարող է կազմել այն գնի 40-60%-ը, որը դուք վճարելու եք Եվրոպայում կամ ԱՄՆ-ում։ Ունենալով նույն որակը մատչելի գնով։
Ժամանակակից ատամնաբուժության և պրոթեզավորման մեջ ատամների իմպլանտացիան հանդիսանում է ամենաառաջատար, արդիական և պահանջարկ վայելող բնագավառը, որն արդեն քսան տարուց ավել կիրառվում է MIM Բժշկական կենտրոնում։ Կենտրոնի առաջատար ուղղվածությունն է` ծնոտի ալվեոլյար ելունի ատրոֆիայի բարդ դեպքերով վիրահատությունները և դենտալ իմպլանտացիան հետլաթային վիրահատություններում (իմպլանտատի տեղադրում` աճուկային, թիակային, նրբոլոքային լաթեր): Մշակվել են իմպլանտոլոգիական բուժման հատուկ ալգորիթմներ շաքարային դիաբետով և հիպերտոնիկ հիվանդությամբ հիվանդների համար: Լայնորեն կիրառվում են աուտո և ալլոգեն տրանսպլանտատներ` Sandwich, Sinus lift, Transzygomatic, Transtuberal տեխնիկայով, n.alveolaris inferior-ի վերադասավորում, իմպլանտատների տեղադրում բարդ դիմածնոտային պրոթեզների ամրացման նպատակով: Կիրառվում է նաև մեկ փուլով իմպլանտացիայի մեթոդը` միաժամանակյա պրոթեզավորմամբ: Ankylos C/X, Xive և Astra Tech իմպլանտատների օգտագործումը թույլ է տալիս հասնել գերազանց ֆունկցիոնալ էսթետիկ արդյունքների: Ատամների իմպլանտացիան ԲԿ-ում անցկացվում է ինչպես ամբուլատոր, այնպես էլ ստացիոնար պայմաններում, ընդհանուր անզգայացման կամ սեդացիայի միջոցով։
Ատամների պրոթեզավորումն անհրաժեշտ է այն դեպքերում, երբ պլոմբավորմամբ ատամի վերականգնումն անհնար է, կամ եթե բացակայում եմ մեկ կամ մի քանի ատամներ: Պրոթեզավորման տեսակն ընտրվում է անհատապես ամեն հիվանդի համար և կախված է ատամի քայքայման աստիճանից, բժշկի խորհրդից և հիվանդի նախընտրություններից: Պրոթեզավորում հնարավոր է կատարել շարժական և անշարժ պրոթեզների կիրառմամբ: Բուժման եղանակի ճիշտ ընտրության համար շատ կարևոր է հիվանդի և բժշկի միջև լիարժեք փոխըմբռնումը:
ՄԻՄ բժշկական կենտրոնն առաջարկում է ատամների պրոթեզավորման ամբողջական շարք` շարժական, անշարժ և միկրոպրոթեզավորում:
Ցիրկոնի երկօքսիդից ատամնաշապիկներն օժտված են բարձր ամրությամբ և չեն առաջացնում ալերգիկ ռեակցիաներ: Կարկասային կառուցվածքները՝շնորհիվ երկօքսիդ ցիրկոնի, ապահովում են թափանցիկություն, որի արդյունքում հնարավոր է ստանալ մաքսիմալ բնական արդյունք:
Մետաղակերամիկական շապիկների տեղադրումը թույլ է տալիս վերականգնել ծամողական ֆունկցիան և ատամների արտաքին տեսքը` դրանց զգալի քայքայման դեպքում: Մետաղակերամիկական շապիկները կազմված են երկու շերտից` ներքին մետաղական և արտաքին կերամիկական: Արտաքին շերտը նման է ատամի էմալին, այդ պատճառով արդյունքը բնականից գրեթե չի տարբերվում:
Միաձույլ կերամիկական ատամնապսակները պատրաստվում են առանց մետաղական կարկասի օգտագործման: Էսթետիկական հատկանիշներից են փայլը, հյուսվածքային կառուվածքը, գույնը, թափանցիկությունը, որոնք լիովին կրկնօրինակում են բնական ատամի հատկությունները: Կերամիկական շապիկները ենթակա են երկարաժամկետ օգտագործման և չեն գունափոխվում արտաքին ազդեցությունների արդյունքում: Թերություն է հանդիսանում շապիկի փխրունությունը, այդ իսկ պատճառով կերամիկական շապիկները հաճախ օգտագործվում են առաջային հատվածի ատամների վերականգնման համար:
Կամուրջների կիրառմամբ պրոթեզավորման մեթոդն օգտագործվում է մի քանի հարակից ատամների բացակայության դեպքում: Կամրջաձև պրոթեզը իրենից ներկայացնում է մի քանի իրար միացված շապիկներ, իսկ կամրջի հենարան են հանդիսանում կամ հիվանդի սեփական ատամները կամ ատամնային իմպլանտատները:
Միկրոպրոթեզավորումն իրենից ներկայացնում է վինիրների և լյումինիրների տեղադրում: Վինիրների հաստությունը չի գերազանցում 0,3 մմ և դրանք տեղադրվում են ատամի էմալի աննշան տաշվածքի պայմաններում, այդ իսկ պատճառով ատամի բնական տեսքի և չափսի փոփոխություն չի նկատվում: Ամրացումը կատարվում է ատամի արտաքին մակերեսի վրա: Վինիրների պատրաստման համար օգտագործվող նյութերը կրկնում են ատամի էմալի տեսքը և հատկությունները: Վինիրները նախատեսված են ատամի արտաքին թերությունների վերացման համար և նրանք ծառայում են հետևյալ նպատակներին`
Շարժական պրոթեզավորում
Հիվանդի ատամների ամբողջական կամ մասնակի կորստի դեպքում, երբ ատամների իմպլանտացիան անհնարին է, շարժական պրոթեզավորումը հանդիսանում է օպտիմալ լուծում: Շարժական պրոթեզն իրենից ներկայացնում է բերանի խոռոչում տեղադրվող կոնստրուկցիա՝ կազմված արհեստական լնդից, ատամներից և հենային մասերից: Անհրաժեշտության դեպքում շարժական պրոթեզը հեշտությամբ հեռացվում է բերանի խոռոչից:
Գեղեցիկ ժպիտը կախված է ոչ միայն ատամների առողջությունից, այլ նաև նրանց փոխհարաբերությունից` կծվածքից և օկլյուզիայից: Երեխաների և մեծերի կծվածքի խնդիրների հիմնական պատճառներից է ժառանգականությունը, ներարգանդային զարգացման արատները, հանքային նյութերի պակասը, վատ սովորությունները: Կծվածքի խնդիրներ առաջանում են նաև ատամների հեռացումից հետո ատամնաշարի ուշ վերականգման արդյունքում: Ատամների թեքվածության կամ սխալ կծվածքի պայմաններում ատամների միջև հավաքվում է ատամնափառ, առաջանում են ատամնաքարեր, որը հանգեցնում է բորբոքային պրոցեսների (պարադոնտիտի) առաջացմանը: Խախտված օկլյուզիայի դեպքում ճնշումը ատամնաշարի վրա բաշխվում է անհամաչափ, ինչի արդյունքում ավելանում է ատամների մաշվածությունը և արտաքին մակերեսի վնասվածքները:Սխալ կծվածքը խախտում է քունքստործնոտային հոդի դիրքը և դժվարացնում է ծնոտի մկանների թուլացումը, ինչը իր հերթին հանգեցնում է հաճախակի գլխացավերի: ՄԻՄ բժշկական կենտրոնի առաջնակարգ բժիշկները կօգնեն Ձեզ հաղթահարել սխալ կծվածքի արդյունքում առաջացած էսթետիկական և ֆիզիոլոգիական խնդիրները: Կծվածքի խնդիրների մասին եզրակացությունը տրվում է բժիշկ օրթոդոնտի կողմից: Խնդրի ինքնուրույնախտորոշումը հնարավոր է մի քանի հատկանիշների առկայության արդյունքում`
Հիմնվելով շտկման ենթակա խնդիրների վրա, բժիշկն ընտրում է բուժման մեթոդը: Պատկերի ամբողջականության համար կատարվում են ծնոտի գիպսային մոդելավորում, լուսանկարում և ծնոտի պանորամիկ ռենտգենային հետազոտություն, որը թույլ է տալիս գնահատել ատամների արմատները: Որոշդեպքերում, երբ առկա են ծնոտի զգալի անհամաչափություններ կամ խորը դիստալ կծվածք, կատարվում է օրթոգնատիկ վիրահատություն: MIM բժշկական կենտրոնում կիրառվում են ORMCO, DENTAURUM և AMERICAN ORTHODONTICS ընկերությունների արտադրանքները։
“ՄԻՄ” ԲԿ–ում արդի ատամնաբուժության մեթոդները թույլ են տալիս բուժել վնասված ատամները` խուսափելով դրանց հեռացումից։ Դեպքերի մեծամասնությունում հիվանդները դիմում են կարիեսի զարգացման արդեն իսկ ծանր փուլում կամ սուր ցավերի առկայության դեպքում։ Այդ իսկ պատճառով ատամների բուժման գործընթացը՝ հատկապես արմատային միջամտությամբ, կատարվում է ամենարդյունավետ ցավազրկողների օգտագործմամբ։ Շնորհիվ պլոմբավորման համար նախատեսված նյութերի բազմազանության՝ հնարավոր է դառնում ատամի բարձրորակ բուժումը, սնկզբնական տեսքի և հիմնական ֆունկցիաների վերականգնմամբ։ Այսպիսով, թերապեվտիկ բուժումը իր մեջ ներառում է ատամի վերականգնումը այն փուլում, երբ իմպլանտատների, շապիկների և կամուրջների կիրառումը չի պահանջվում։ Բերանի խոռոչի մասնագիտացված հիգիենան հանդիսանում է ատամնաբուժական միջամտության, ինչպես նաև ատամների և լնդերի խնամքի անբաժան մաս։ Ատամնաբույժները խորհուրդ են տալիս բերանի խոռոչի հիգիենային ուղղված միջոցառումները անցկացնել նվազագույնը տարեկան երկու անգամ։ Առօրյա անբավարար հիգիենան, սուրճը, թեյը և ծխախոտը հանգեցնում են ատամնքարի և ատամնափառի առաջացմանը։ “ՄԻՄ” ԲԿ–ի ատամնաբույժները իրականացնում են եվրոպական մեթոդիկաներին համապատասխանող բերանի խոռոչի մասնագիտացված հիգիենա։ Ձյունաճերմակ ժպիտը պարգևում է մարդուն հմայչություն և բարելավում է կյանքի որակը։ Ի սկզբանե ատամները չունեն սպիտակ գույն. եթե ատամը առողջ է, ապա դեպքերի մեծամասնությամբ, կունենա դեղնավուն կամ մոխրագույն երանգ։ Ներկայումս, որպես ատամների սպիտակեցման հիմնական մեթոդ, կարելի է նշել քիմիական սպիտակեցումը։
Օրթոգնատիկ վիրաբուժությունը (ծնոտների վիրաբուժություն), հանդիսանում է դիմածնոտային և պլաստիկ վիրաբուժության ամենակարևոր մասերից մեկը: Կծվածքի անոմալիաներ են համարվում ատամնաշարի աղեղի ձևի և ատամների դասավորության խախտումները, որոնց ժամանակ բացակայում են ճիշտ կծվածքի մեկ կամ մի քանի հատկանիշներ: Կծվածքի անոմալիաները հանգեցնում են էսթետիկական, հոգեբանական և առողջական խնդիրների: Սխալ կծվածքի արդյունքում խախտվում են ծամողական և կլման ֆունկցիաները, զարգանում են ատամների հիվանդությունները և ավելանում է աղեստամոքսային տրակտի հիվանդությունների զարգացման հավանականությունը: Հաճախակի են հանդիպում քունք-ստործնոտային հոդի խախտումներ, որոնք ուղեկցվում են ցավերով, բերանի բացման սահմանափակմամբ, հոդում «կտկտոցի» առկայությամբ: Կծվածքի անոմալիաների շտկումը կատարվում է օրթոգնատիկ վիրահատության միջոցով և կոնսերվատիվ օրթոդոնտիայի մեթոդի համակցմամբ կամ զուգորդմամբ: Օրթոգնատիկ վիրահատության նպատակն է կծվածքի պաթոլոգիաների շտկումը, ատամնաշարի ճիշտ օկլյուզիայի վերականգնումը, ֆունկցիոնալ շեղումների վերացումը և դեմքի էսթետիկական տեսքի լավացումը: Օրթոգնատիկ վիրաբուժության միջոցով կարելի է շտկել դեմքի կմախքի բնածին անոմալիաները, զարգացման խախտումները,վերին և ստորին ծնոտի հետտրավմատիկ դեֆորմացիաները, ինչպես նաև դիմային կմախքի հետվիրահատական թերությունները: Օրթոգնատիկ վիրաբուժության գերակա նպատակներից մեկը դեմքի բնական էսթետիկայի վերարտադրությունն է: Արտաքին փոփոխությունները դրական են ազդում մարդու հոգեբանական վիճակի, ինքնագնահատականի, ինքնազգացողության և կյանքի որակի վրա, ինչպես նաև վերացվում են բոլոր ֆունկցիոնալ շեղումները:
“Մոդեռն Իմպլանտ Մեդիսին” բժշկական կենտրոնում կատարվում է բերանի խոռոչի ամբուլատոր վիրաբուժական ցանկացած վիրահատություն, ինչպես տեղային, այնպես էլ ընդհանուր անզգայացման պայմաններում (ախտորոշման նպատակով վիրահատություններ, ռետենցված ատամների հեռացում, ցիստէկտոմիա` օստեոպլաստիկ նյութերի կիրառմամբ և PRF (տրոմբոցիտներով հարստացված ֆիբրին)): PRF-ը հիվանդի արյան տրոմբոցիտար զանգվածից ստացված աուտոմատրիկս է, որը պարզ միջամտությամբ վերածվում է Ֆիբրինային մեմբրանի և չի կորցնում ոսկրի և փափուկ հյուսվածքների աճի խթանման պոտենցիալը:
Դիմածնոտային և պլաստիկ վիրաբուժություն
Պլաստիկ վիրաբուժությունը հանդիսանում է տարիքային փոփոխություների, դիմածնոտային շրջանի բնածին դեֆորմացիաների և վնասվածքների առկայության դեպքում առավել նպատակահարմար լուծում։Քթի պլաստիկ վիրաբուժություն
Քթի պլաստիկ վիրաբուժությունը (Rhinoplasty) հանդիսանում է դեմքի պլաստիկ վիրաբուժության ամենատարածված և ամենադժվար բնագավառներից մեկը: Վիրահատական միջամտությունը թույլ է տալիս բարելավել քթի էսթետիկ տեսքը և լուծել բժշկական բնույթի մի շարք խնդիրներ, որոնք կարող են բացասական ազդեցություն ունենալ մարդու ֆիզիկական և էմոցիոնալ վիճակի վրա: Ժամանակակից աշխարհում քթի պլաստիկ վիրաբուժության մեծ մասն ուղղված է էսթետիկ բնույթի խնդիրների հաղթահարմանը: Քթի կառուցվածքի անհատական յուրահատկությունները համարվում են ամենատարածված խնդիրներից մեկը: Վիրահատությունը կարող է նաև կատարվել բժշկական ցուցումներով: Տարածված խնդիրների շարքում է նաև քթի միջնապատի դեֆորմացիայի արդյունքում շնչառության դժվարացումը: Անկախ խնդրի առաջացման պատճառներից՝ հետևանքները կարող են հանգեցնել ընդհանուր ինքնազգացողության վատթարացման և հանդիսանալ խրոնիկ հիվանդությունների զարգացման պատճառ: Քթի միջնապատի բնածին դեֆորմացիան ազդում է ոսկրային հյուսվածքների ձևավորման վրա, ինչի հետևանքով առաջանում է քթի դեֆորմացիա: Վիրահատության բարեհաջող արդյունքը կախված է ոչ միայն վիրաբույժի բարձր մասնագիտական որակներից, այլ նաև հիվանդի համբերատարությունից: Քթի պլաստիկ վիրաբուժությունը քթի ցանկալի ձևի և բնական ֆունկցիայի վերականգմանը հասնելու արվեստ է:
Կոպերի պլաստիկա
Վերին և ստորին կոպերի մաշկը և ճարպային շերտը առաջինն են ենթարկվում տարիքային փոփոխությունների: Կոպերի տարիքային և պաթոլոգիկ փոփոխությունները կարելի է շտկել էսթետիկ վիրաբուժության միջոցով: Կոպերի պլաստիկան թույլ է տալիս հեռացնել մաշկի և ճարպային հյուսվածքի ավելցուկը, պարգևել հայացքին արտահայտչություն: Վերջին տարիներին պահանջված են դարձել վիրահատությունները, որոնց նպատակն է ոչ միայն տարիքային փոփոխությունների շտկումը, այլ նաև կոպերի ծալքերի վերադիրքավորման արդյունքում աչքերի շրջանի էսթետիկ տեսքի բարելավումը: Վիրահատության արդյունքում հայացքը դառնում է ավելի արտահայտիչ, իսկ մարդը՝ ինքնավստահ, երիտասարդացած, գեղեցիկ և երջանիկ: Վիրահատությունը անցկացվում է ինչպես ստացիոնար, այնպես էլ ամբուլատոր պայմաններում:
Կզակի պլաստիկա
Կզակի ձևը և դիրքը ազդում է մարդու դեմքի ընդհանուր ընկալման վրա: Կզակի պլաստիկան ուղղված է կզակային թմբի ձևի բարելավմանը, չափերի փոփոխմանը և բնածին թերությունների շտկմանը: Մի շարք հիվանդների մոտ նկատվում է կզակի թմբի արտահայտված դեֆորմացիա, որն ուղեկցվում է կզակային հատվածի ասիմետրիայով: Կզակի պլաստիկան կարող է նաև իրականացվել ակնհայտ դեֆորմացիաների բացակայության դեպքում, ըստ հիվանդի ցանկության: Վիրահատության ընթացքում վիրաբույժը վերականգնում է կզակի բնական ձևը, հաշվի առնելով դիմային կմախքի անհատական առանձնահատկությունները: Վիրահատության ընթացքում վիրաբույժը վերականգնում է կզակի բնական ձևը` հաշվի առնելով դիմային կմախքի անհատական առանձնահատկությունները։ Վիրահատության հիմնական նպատակն է ոչ միայն թերությունների շտկումը, այլ նաև դիմային կմախքի առանձին հատվածների միջև ներդաշնակության վերականգնումը:
Համակցված վիրահատություններ
Կզակի և քթի պլաստիկ վիրահատություն
Որոշ դեպքերում մեկ վիրահատության արդյունքում անհնարին է ամբողջությամբ ապահովել ցանկալի գեղագիտական արդյունք։ Դեմքի բազմակի թերություններից միայն մեկի վերացումը կարող է հանգեցնել մնացած թերությունների արտահայտչության ավելացմանը։ Այդ դեպքում մեր կենտրոնի մասնագետներն իրականացնում են համակցված վիրահատություններ։ Առավել հաճախ կզակի և քթի պլաստիկ վիրահատությունը միաժամանակ է իրականացվում, որը թույլ է տալիս վերացնել դեմքի միջին և ստորին հատվածների դեֆորմացիան և վերականգնել դեմքի ներդաշնակությունը։
Ականջների պլաստիկա
Ականջի պլաստիկ վիրահատությունը ուղղված է ականջի ձևի, չափի և դիրքի շտկմանը, ինչպես նաև բնածին և ձեռքբերովի արատների վերացմանը:Ականջի պլաստիկ վիրահատության անցկացման համար տարիքային սահմանափակումներ չկան: Վիրահատության հիմնական ցուցումը հիվանդի ցանկությունն է արտաքին տեսքի շտկման և բարելավման համար: Ցուցումների տեսանկյունից տարբերվում են էսթետիկ և ռեկոնստրուկտիվ վիրահատություններ: Էսթետիկ վիրահատությունները անցկացվում են կոսմետիկ թերությունների շտկման նպատակով, մինչդեռ ականջի ռեկոնստրուկտիվ վիրահատությունները՝ ականջախեցու լրիվ կամ մասնակի վերականգման նպատակով: Ականջի պլաստիկ վիրահատությունն անցկացվում է ինչպես ամբուլատոր, այնպես էլ ստացիոնար պայմաններում:
Կոնտուրային պլաստիկաԿոնտուրային պլաստիկան թույլ է տալիս վերականգնել դեմքի կմախքի հետվնասվածքային թերությունները, ինչպես նաև շտկել դիմագծերը ալոպլաստիկ նյութերի կիրառմամբ։ Այտոսկրի իմպլանտատը` (Medpor Surgical Implant), թույլ է տալիս ունենալ ավելի բարձր և արտահայտված այտոսկրեր, ինչպես նաև առավել սիմետրիկ դեմքի պարամետրեր: Այտոսկրերի մեծացումը բարձրացնում է այտերը` բարելավելով դեմքի ստորին երրորդականի շրջագիծը, հատկապես տարիքային փոփոխությունների դեպքում: Որպես կանոն, այտոսկրի շրջանի վերականգնումը իրականացվում է բնածին և հետտրավմատիկ դեֆորմացիաների շտկման համար:
ՄԻՄ բժշկական կենտրոնում կատարվում են ՔԿԱ (քիթ-կոկորդ-ականջ) հիվանդությունների ախտորոշում և բուժում, ինչպես ամբուլատոր, այնպես էլ ստացիոնար պայմաններում։ Ամբուլատոր ընդունելության համար նախատեսված հետազոտման սենյակը հագեցված է արդի բժշկական սարքավորումներով։ ՔԿԱ հետազոտման սենյակի հիմքն է հանդիսանում ՔԿԱ համասարքը, որն իր մեջ ներառում է ախտորոշման բոլոր առաջատար ուղիները։
ՔԿԱ համասարքը համալրված է էնդոսկոպների համար նախատեսված սառը լույսի աղբյուրներով, դեղորայքների համար նախատեսված հեղուկացիրներով, դեզինֆեկցող տարրաներով, բարձր արդյունավետության վակումային համակարգով։
ՔԿԱ օրգանների էնդոսկոպիկ հետազոտությունները անց են կացվում KARL STORZ վիդեոէնդոսկոպների օգնությամբ, անհրաժեշտության դեպքում կատարվում է էնդոսկոպիկ նմուշառում (բիոպսիա)։ Բոլոր վիդեոէնդոսկոպիկ հետազոտությունները և մանիպուլյացիաները ձայնագրվում են սկավառակների վրա և պահպանվում։
Հիվանդների աուդիոլոգ սարքի հետազոտությունները անց են կացվում Տիմպանոմետր սարքի օգնությամբ, որով իրականցվում են տոնալ-շեմային աուդիոմետրիա։ Բոլոր աուդիոլոգիական հետազոտություններն անցկացվում են հատուկ ձայնամեկուսիչ աուդիոլոգիական խցիկում։
ՔԿԱ վիրաբուժական ուլտրաձայնային ապարատ “ЛОРА-ДОН”-ը նախատեսված է ՔԿԱ օրգանների ախտաբանորեն փոփոխված հյուսվածքների քայքայման համար (խրոնիկ ռինիտներ, խրոնիկ տոնզիլիտներ), ցածր ինտենսիվության կարմիր և ինֆրակարմիր սպեկտրների լազերային ճառագայթների ներազդման համար կիրառվում է խրոնիկ ռինիտի, միջին օտիտի, ականջում աղմուկի և խլության համալիր բուժման համար։
Առաջինը Հայաստանում` ՄԻՄ բժշկական կենտրոնում, անց է կացվում ՎԻԴԵՈՍՏՐՈԲՈՍԿՈՊԻԱ` ձայնային ապարատի, բացարձակ անփոխարինելի հետազոտություն։ Այն թույլ է տալիս հայտնաբերել կոկորդի ոչ միայն օրգանական, այլ նաև ֆունկցիոնալ ախտահարումները։ Ձայնի խանգարումների ֆիզիոթերապևտիկ վերականգնումը կատարվում է խոսակցական ապարատի մկանների միոստիմուլյացիա VocaStim բուժական համալիրի միջոցով։ Մեթոդի հիմքն է հանդիսանում կոկորդի մկանների ակամա կրճատումների զուգակցումը Էլեկտրոստիմուլյացիայի հետ։
GALILEOS Comfort
Կլինիկայում գործում է վերջին սերնդի նորագույն դիմածնոտային Sirona GALILEOS Comfort կոնա-ճառագայթային տոմոգրաֆ, որը ընդամենը 14 վայրկյան սկանավորման ընթացքում ֆիքսում է 500 տարբեր ռենտգեն պատկերներ: Կոնաձև իմպուլսային ճառագայթի շնորհիվ էքսպոնացման տևողությունը ընդամենը 3-ից 6 վայրկյան է և ճառագայթման չափը հասցված է նվազագույնի, ինչը սոմատիկ տոմոգրաֆից զգալիորեն փոքր է:
Կլինիկան հագեցած է հայտնի Karl STORZ ընկերության ժամանակակից էնդոսկոպիկ սարքավորումով: Վիրաբուժական ստոմատոլոգիան և դիմածնոտային վիրաբուժութունն այն ոլորտներն են, որտեղ էնդոսկոպիան նվաճում է նոր դիրքեր և ավելի մեծ դեր է կատարում: Karl STORZ ընկերության գործիքներն արդեն այսօր թույլ են տալիս կատարել, նվազագույն վիրաբուժական միջամտություններով, էնդոսկոպիկ վիրահատությունների մի ամբողջ շարք: Oրինակ`
Քունքստործնոտային հոդի պաթոլոգիաները հատուկ տեղ են գրավում դիմածնոտային հիվանդությունների շարքում: Չնայած լայն տարածվածությանը` քունքստործնոտային հոդի հիվանդությունները դասվում են մարդու ամենադժվար ախտորոշվող և քիչ ուսումնասիրված պաթոլոգիաների շարքին: Քունքստործնոտային հոդի արթրոսկոպիան թույլ է տալիս միաժամանակ համատեղել վերջինիս ախտորոշումն ու բուժումը և, հաշվի առնելով ախտորոշման ընթացքում հայտնաբերված յուրահատկությունները, ընտրել բուժման օպտիմալ տեսակը: Հոդի արթրոսկոպիայի միջոցով ճշգրտորեն որոշվում է պաթոլոգիայի տեսակը, կատարվում է բիոպսիա և այլ ներհոդային միջամտություններ: Այսպիսով MIM բժշկական կենտրոնում Իսպանիայի Սան-Կարլոս հիվանդանոցի մասնագետների հետ համատեղ մշակված արթրոսկոպիայի մեթոդը նոր խոսք է հանդիսանում քունքստործնոտային հոդի հիվանդությունների բուժման ոլորտում:
Շնորհիվ արդի էնդոսկոպիկ վիրաբուժության՝ էնդոսկոպիկ հայմորոտոմիան կիրառվում է բոլոր տեսակի հայմորիտների բուժման նպատակով: Ներկայումս MIM բժշկական կենտրոնում առկա են հայմորյան խոռոչների սանացիայի համար կիրառվող բոլոր մեթոդները: Էնդոսկոպիկ հայմորոտոմիայի առավելություններից են՝ նվազագույն տրավմատիզմը և արագ վերականգնումը:
MIM բժշկական կենտրոնը երաշխավորում է նվազագույն ցավի զգացողություն բուժական միջամտությունների ընթացքում: Սակայն շատերը մինչ օրս հուզմունք և վախ են ապրում բժշկի դիմելուց: Վախի բարձր զգացողություն ունեցող հիվանդների համար կենտրոնում կիրառվում է ներերակային անզգայացում (սեդացիա): Անզայացումը բացարձակ անվտանգ է և իրականացվում է անեսթեզիոլոգի վերահսկողության տակ: Քանի դեռ դուք հանգստանում եք, բժիշկներն աշխատում են: Կիրառվող դեղորայքի ընտրությունը կախված է հիվանդի ֆիզիոլոգիական բնույթից և բուժման տեսակից: Սեդացիան անփոխարինելի է՝
Ոչնչից մի՛վախեցեք, պարզապես վստահեք մեր մասնագետներին:
հաճախորդներ
տարիների փորձ
ավելի մատչելի քան ԱՄՆ-ում և Եվրոպայում
երկրներից այցելուներ
Արևմտյան Ասիայում գտնվող այս երկիրը հիանալի վայր է բժշկական տուրիզմի համար: Ընտրելով Հայաստանը դուք ստանում եք Եվրոպական չափանիշներին համապատասխան որակ միևնույն ժամանակ ծախսելով ավելի քիչ գումար քան Եվրոպական շատ երկրներում: Համապարփակ խնամք Եվրոպական միության չափանիշները առողջապահության ոլորտում Ժամանակակից սարքավորումներ՝ գերժամանակակից սարքավորումներով Բուժման վերջին մեթոդներն ու մեթոդները Պրոֆեսիոնալ և միջազգային ճանաչում ունեցող մասնագետներ Ցածր ծախսեր Ամբողջական գաղտնիություն և գաղտնիություն Ավելին, հարմար օդային ճանապարհորդությունը հեշտացնում է ձեր ուղևորության պլանավորումը, իսկ Լիտվայի հանգստացնող բնությունը կհեշտացնի ձեր վերականգնումը:
Ավելի բարենպաստ հարկաբյուջետայոն քաղաքականության և աշխատուժի ավելի մատչելի ծախսերի շնորհիվ Հայաստանում առողջապահությունը, ինչպես նաև այլ ծառայություններն ու ապրանքներն ավելի մատչելի են, քան Եվրոպայում կամ Սկանդինավյան երկրներում: Հետևաբար, դուք Հայաստանում ավելի կոնկրետ ՄԻՄ ԲԿ-ում կստանաք բարձր որակ-ցածր գին:
Բժշկական անձնակազմը վարժ տիրապետում է անգլերենին, ռուսերենին։ Այսպիսով, մեր հիվանդները շփման մեջ դժվարություններ չունեն։
Ներկայումս Հայաստանում գործում է մեկ միջազգային օդանավակայան։ «Զվարթնոց» օդանավակայանը (IATA: EVN, ICAO: UDYZ), որը գտնվում է Երևանի մայրաքաղաքի մոտ:
Professional team. Do the impossible with absolute success. I would especially like to note the truly human attitude towards patients. Very attentive and kind doctors. Thanks to Levon, Lilianna, and those who help them.
01.07.2022
Спасибо врачам и медперсоналу клиники «Modern Implant Medicine». Мне 23 года, во 7-ом классе я упала с железной качели и травмировала нос, были повреждены сосуды, часто возникали кровотечения. Большая благодарность доктору, который смог учесть мои индивидуальные особенности. Очень здорово, что такой индивидуальный подход. спасибо за качественное проведение такой сложной операции.
02.07.2022
My first implant was last summer at Modern Implant Medicine, I was warmly welcomed to the surgery, my anxiety vanished, and at no time did I experience any discomfort. After years of having problems with my teeth, I can see that by the end of the year I will have finished my implant treatment and have new teeth that will last. I now no longer hide my smile and laugh with my hand, and am delighted with my new teeth! Thank you
04.07.2022
Dr. Levon Khachatryan was great, he listens to what the patient really wanted and considered all the details very clearly. I just wanted to say my most enormous Thank you for my beautiful nose. I am so happy with how the operation turned out. Thank you for making the whole process more comfortable for me.
15.07.2022
Խնդրում ենք լրացնել այնպիսի հեռ. համար, որին կա հետևալ ծրագրերից որևէ մեկը
